2024 جىلعى 9 تامىزدا «بايتەرەك» ۇبح اق-دا كەزدەسۋ ءوتتى. كەزدەسۋ بارىسىندا پيلوتتىق وتاندىق ەكوپوليالاردى قۇرۋ تۋرالى ءتورت ينۆەستيتسيالىق مەموراندۋمعا قول قويىلدى.
كەزدەسۋدە اگرويندۋستريالىق ايماقتاردى (ايا) جانە ونەركاسىپتىك كلاستەرلەردى قولداۋعا باعىتتالعان يننوۆاتسيالىق بيزنەس شەشىمدەرى تالقىلاندى. بۇل باستامالار ينفراقۇرىلىمدى قۇرۋدان باستاپ شاعىن جانە ورتا بيزنەستى ءبىرتۇتاس ەكوجۇيەگە تەڭدەستىرىلگەن ينتەگراتسيالاۋعا دەيىنگى بارلىق تسيكلدى قامتيدى.
«اتامەكەن» ۇكپ تورالقا توراعاسى رايىمبەك باتالوۆتىڭ ايتۋىنشا، جاڭا مودەل بولاشاقتا ينفراقۇرىلىم سالۋ، الەمدىك برەندتەردى تارتۋ جانە قارجىلىق مۇمكىندىكتەردى كەڭەيتۋ ءۇشىن تۇرتكى بولىپ، ورنىقتى دامۋ ءۇشىن قولايلى جاعداي جاسالادى.
«اتامەكەن» ۇلتتىق كاسىپكەرلەر پالاتاسى «بايتەرەك» حولدينگىمەن بىرلەسە، بيزنەسپەن جۇمىس جۇرگىزىپ، 4 ستراتەگيالىق جوبا ۇسىندى. ولاردىڭ نەگىزگى مىندەتى – تەحنولوگيالاردى ترانسفەرتتەۋ، ينجەنەرلىك ينفراقۇرىلىمدى دامىتۋعا جەكە كاپيتالدى، حالىقارالىق كومپانيالاردى تارتۋ. مۇنداي ءتاسىل قاراپايىم مىندەت بولماسا دا، بارلىق ينۆەستيتسيالىق باستامالاردا سۇرانىسقا يە»، - دەدى باتالوۆ.
اتالعان ەكوپوليالاردى قۇرۋدىڭ نەگىزى بۇگىن قول قويىلعان مەموراندۋمدار بولدى. اتاپ ايتقاندا:
- قازاقستان رەسپۋبليكاسى «اتامەكەن» ۇلتتىق كاسىپكەرلەر پالاتاسى مەن «بايتەرەك» ۇلتتىق باسقارۋ حولدينگى» اق اراسىندا ىنتىماقتاستىق تۋرالى;
* «شاردارا» ەكسپورتتىق اگروونەركاسىپتىك كلاستەرى ايا (تۇركىستان وبلىسى) – 84 ملرد تەڭگە. جوبا سەلەكتسيا ورتالىعىن، 8000 گەكتار تامشىلاتىپ سۋارۋ شيكىزات بازاسىن جانە وڭدەلگەن ءونىمنىڭ ءارتۇرلى تۇرلەرىن ءوندىرۋدى بىرىكتىرۋدى قامتيدى.
- «شىڭعىلدى كوپسالالى كلاستەرى» ايا (الماتى وبلىسى) – 29 ملرد تەڭگە. جوبا اگروورمان شارۋاشىلىعى پيتومنيگىن، 14000 گەكتار سۋارمالى جەرلەردىڭ شيكىزات بازاسىن جانە ءسۇت ونىمدەرىن ءوندىرۋدى قامتيدى.
* «Aksu-Boskan قانت كلاستەرى» ايا (جەتىسۋ وبلىسى) – 25 ملرد تەڭگە. گيدروەنەرگەتيكانى، مەليوراتسيانى جانە قايتا وڭدەۋ ونىمدەرىنىڭ كەڭ سپەكترىن ءوندىرۋدى بىرىكتىرۋدى قامتيدى.
- «بىرلىك اسىل تۇقىمدى قوي كلاستەرى» ايا (باتىس قازاقستان وبلىسى) – 25 ملرد تەڭگە. جوبا اۆستراليالىق تەرەڭ وڭدەۋ تەحنولوگياسىن قولدانا وتىرىپ، ۇلتتىق قوي تۇقىمىن دامىتۋعا باعىتتالعان.
سونىمەن قاتار، رايىمبەك باتالوۆ ەكوپولياعا قاتىستى نەگىزگى قاعيداتتارعا توقتالىپ ءوتتى. ناقتىراق ايتساق، وسى كاسىپورىنداردىڭ بارلىعىن دامىتۋ ESG جانە باسقا دا ەكولوگيالىق تاجىريبەلەر ستاندارتتارىنا قاتاڭ سايكەستىكتە جۇزەگە اسىرىلادى.
«ءبىز كووپەراتسيانىڭ جاڭا فورماتى رەتىندە ەكوپوليالاردى قۇرۋدىڭ ايتارلىقتاي الەۋەتىن كورىپ وتىرمىز. بۇل تەك يننوۆاتسيالىق شەشىم عانا ەمەس، سونىمەن قاتار قازاقستاندا تۇراقتى جانە باسەكەگە قابىلەتتى بيزنەستى دامىتۋداعى العا جاسالعان قادام. بۇل جوبالار ەلىمىزدىڭ باسقا وڭىرلەرى ءۇشىن ۇلگى بولادى جانە وتاندىق وندىرۋشىلەردىڭ جاھاندىق نارىقتارعا شىعۋىنا ىقپال ەتەدى دەپ سەنەمىز»، - دەپ اتاپ ءوتتى «بايتەرەك» ۇبح اق باسقارما توراعاسى رۋستام قاراعويشين.
رايىمبەك باتالوۆتىڭ پىكىرىنشە، بۇل باستامانىڭ جەتىستىگى قازاقستانداعى ينۆەستيتسيالىق احۋالدى ايتارلىقتاي نىعايتىپ، وڭ ەكونوميكالىق تۇراقتىلىقتى قامتاماسىز ەتەدى.
