بۇگىنگى كۇنى وبلىستا جاڭا وقۋ جىلىنا دايىندىق بەلسەندى جۇرگىزىلۋدە. دايىندىقتىڭ ماڭىزدى كەزەڭدەرىنىڭ ءبىرى ءبىلىم بەرۋ ۇيىمدارىنا كۇردەلى جانە اعىمداعى جوندەۋ جۇمىستارىن جۇرگىزۋ.
ءبىلىم باسقارماسىنىڭ وكىلدەرى، اۋدان اكىمدەرىنىڭ ورىنباسارلارى، مەردىگەرلەر كەڭەسىندە ءبىلىم بەرۋ نىساندارىن جوندەۋ جۇمىستارى قانشالىقتى ساپالى ءجۇرىپ جاتقاندىعى تالقىلاندى.
بۇگىنگى تاڭدا بارلىق نىساندار بويىنشا كونكۋرستىق راسىمدەر وتكىزىلىپ، مەردىگەرلىك ۇيىمدار انىقتالدى ءارى كەستەگە سايكەس جۇمىس جۇرگىزىلۋدە.
ايتا كەتەيىك، 42 مەكتەپكە كۇردەلى جوندەۋ جۇرگىزۋگە 7,9 ملرد.تەڭگە ءبولىندى، ونىڭ ىشىندە 20 وبەكتىگە ارنالعان “اۋىل – ەل بەسىگى” باعدارلاماسى بويىنشا 2,9 ملرد تەڭگە. 42 نىساننىڭ 6 جۇمىسى اياقتالدى. 36 ءبىلىم بەرۋ نىسانى بويىنشا جوندەۋ جۇمىستارى جالعاسۋدا.
كەڭەستە جۇمىستاردى ورىنداۋ مەرزىمدەرى قوزعالدى، بىرقاتار وبەكتىلەر بويىنشا جۇمىستاردىڭ قارقىنى ءالسىز ەكەندىگى بايقالدى.
