بۇگىن قوسشى قالاسى مەن تايتوبە اۋىلىنىڭ اراسىنداعى سارقىراما وزەنىنىڭ بويىندا «تازا قازاقستان» وبلىستىق ەكولوگيالىق اكتسياسى اياسىندا وبلىستىق ەكوپلوگگينگ ءوتتى.
ءىس - شارانىڭ نەگىزگى ماقساتى - اۋدان تۇرعىندارى مەن تۋريستەردىڭ، اسىرەسە جاستاردىڭ ەكولوگيالىق مادەنيەتىن ارتتىرۋ، «ادال ادام - ادال ەڭبەك - ادال تابىس» تۇجىرىمداماسى نەگىزىندە پاتريوتيزمگە، تابيعاتقا، قورشاعان ورتاعا ۇقىپتى قاراۋ قۇندىلىقتارىن دارىپتەۋ بولىپ تابىلادى.
ەكوپلوگينگتىڭ ۇيىمداستىرۋشىلارى مەن باستاماشىلارى اقمولا وبلىسىنىڭ ىشكى ساياسات باسقارماسى مەن قوسشى قالاسىنىڭ اكىمدىگى بولىپ تابىلادى.
ءىس-شاراعا «قازاقستان جاستار كونگرەسى» باسشىسى - جاندىلداەۆ باقداۋلەت بولاتۇلى، «اۋىل جاستارى» پارتياسى مۇشەلەرى، ازاماتتىق سەكتور وكىلدەرى، «امانات» پارتياسى، قالالىق ءماسليحات دەپۋتتاتارى، «جاسىل ەل» ەڭبەك جاساقتارى، جاستار-رەسۋرستىق ورتالىعى، بەلسەندى جاستار مەن ەرىكتىلەر، كوممۋنالدىق مەكەمە قىزمەتكەرلى مەن مەنشىك يەلەرى بىرلەستىگىنىڭ وكىلدەرى قاتىسادى. بارلىعى 350-گە جۋىق ادام جانە 6 ارنايى تەحنيكالار قاتىستى.
پلوگگينگ ەكى زاماناۋي تەندەنتسيانى بىرىكتىرەدى: سالاۋاتتى ءومىر سالتى جانە قورشاعان ورتاعا قامقورلىق. پلوگگينگ ادەتتەگى جۇگىرۋدەن ەرەكشەلەنەدى، ويتكەنى ءسىز وزىڭىزبەن بىرگە قاپشىقتى الىپ، وعان جولدا كەزدەسەتىن بارلىق قوقىستاردى جينايسىز.
ەكوپلوگگينگتىڭ قاتىسۋشىلارى 2 توپقا بولىنەدى: ەكى توپ رەسمي باستالعاننان كەيىن سارقىراما جاعالاۋىندا، ەكىنشىسى قوسشى مەن تايتوبە اۋىلىن جالعايتىن كۇرە جولدىڭ بويىندا قوقىس جيناۋدى باستايدى.
اقمولا وبلىستىق ىشكى ساياسات باسقارماسىنىڭ مالىمەتىنشە، جالپى، «تازا قازاقستان» ەكولوگيالىق اكتسياسى باستالعان ساتتەن باستاپ اقمولا وبلىسى بويىنشا 550-دەن استام ەلدى مەكەن قامتىلىپ، 80 مىڭعا جۋىق توننا قوقىس شىعارىلدى. تاريحي-مادەني ەسكەرتكىشتەردىڭ اۋماعىن اباتتاندىرۋ بويىنشا جۇمىستار جۇرگىزىلدى، 200 – گە جۋىق كوشەت وتىرعىزىلدى، ەكپەلەردى اكتەۋ، سۋ ايدىندارى-وزەندەر مەن كولدەردىڭ اينالاسىن قوقىستان تازارتۋ، 400 بالالار الاڭى اباتتاندىرىلدى، تۇرعىن ۇيلەر مەن قوعامدىق عيماراتتاردىڭ قاسبەتتەرى جوندەلدى.
وبلىس بويىنشا بارلىعى 500 مىڭعا جۋىق ادامنىڭ قاتىسۋىمەن 3500-گە جۋىق ءبىر رەتتىك ەكولوگيالىق ءىس-شارالار وتكىزىلدى.
الداعى ۋاقىتتا جاستار كۇنى مەرەكەسىن مەرەكەلەۋ قارساڭىندا اتالمىش اكتسيا وڭىردە ءوز جالعاسىن تابادى.
