قازاقستاننىڭ ءبىرىنشى، الەمنىڭ ءتورتىنشى راكەتكاسى ەلەنا رىباكينا پاريجدە وتەتىن وليمپيادا ويىندارىنا قاتىسۋدان باس تارتتى، دەپ حابارلايدى «ادىرنا» ءتىلشىسى.
وليمپيادانىڭ رەسمي سايتىندا تەننيسشىنىڭ ەسىمى جەكە جانە ارالاس جۇپتىق سىنداعى سەتكادان الىنىپ تاستالدى. ەندى وتانداسىمىزدى اۆستراليالىق داريا ساۆيل الماستىراتىن بولادى.
تۋريزم جانە سپورت مينيسترلىگى رىباكينانىڭ تورتجىلدىقتىڭ باس دوداسىندا قاتىسپاۋىنا دەنساۋلىق جاعدايى سەبەپ بولعانىن مالىمدەدى.
«ونىڭ ۋيمبلدون تۋرنيرىنەن كەيىن تىنىس الۋ جولدارى قابىنىپ، ءىسىنىپ، اۋىرعان. سوعان قاراماستان ەلەنا دايىندالىپ، وليمپيا ويىندارىندا جوعارى ناتيجە كورسەتكىسى كەلدى. الايدا دارىگەرلەر كورتقا شىعۋعا، ۇشۋعا تىيىم سالدى»، - دەپ جازدى مينيسترلىكتىڭ ءباسپاسوز قىزمەتى.
ايتا كەتەيىك، قازاقستان پاريج وليمپياداسىندا تەننيستەن 6 ليتسەنزيا جەڭىپ العان ەدى.
بۇعان دەيىن رىباكينا ۇلىبريتانيانىڭ يستبورن تۋرنيرىنە قاتىسۋدان باس تارتتى.
