بۇگىن شىمكەنت قالاسىندا «تازا قازاقستان» رەسپۋبليكالىق ەكولوگيالىق اكتسياسى جالعاسۋدا. وسى ورايدا قاراتاۋ اۋدانىنداعى نۇرتاس شاعىن اۋدانىندا «تازا اۋلا» اكتسياسى ءوتتى.
مۇنداي ىزگى شارا - قالانىڭ بارلىق اۋداندارىندا جاپپاي وتكىزىلۋدە جانە قوقىستاردى جيناۋ، تازالىقتى ساقتاۋ، جالپى قورشاعان ورتاعا ۇقىپتى قاراۋ قۇندىلىقتارى مەن مادەنيەتىن قالىپتاستىرۋعا ىقپال ەتەدى.
تازالىق شاراسىنا اۋدان تۇرعىندارى، بەلسەندى جاستار مەن «جاسىل ەل» جاساقتارىنىڭ مۇشەلەرى قاتىسىپ، وزدەرىنىڭ اۋلالارى مەن ىرگەلەس اۋماقتاردى رەتكە كەلتىرۋ جۇمىستارىن جۇرگىزدى. سونداي-اق، ءىس-شارادا اۋلالاردى تازالاۋ، قوقىستار شىعارۋ، قۋراعان اعاشتاردى كەسۋ، قورشاۋلار مەن ورىندىقتاردى سىرلاۋ جۇمىستارى جۇرگىزىلدى.
«بۇگىن پرەزيدەنتىمىزدىڭ تاپسىرماسى اياسىندا «تازا قازاقستان» ەكولوگيالىق رەسپۋبليكالىق اكتسياسى قازىر بارلىق ەلدى مەكەندەردە قولداۋ تاۋىپ وتىر. ويتكەنى تازالىق ءبىرىنشى - دەنساۋلىق، ەكىنشى - مادەنيەت. ەلدىڭ ازاماتتارى ءوزىنىڭ ورتاسىنىڭ تابيعاتىن تازالاعىن ساقتاپ وتىرۋ ۇلكەن الەۋمەتتىك ماڭىزعا يە دەپ ويلايمىن. تازالىق - ءاربىر ءۇيدىڭ وزىنەن باستالادى»، – دەپ اتاپ ءوتتى ەڭبەكشى اۋداندىق ارداگەرلەر كەڭەسى توراعاسىنىڭ ورىنباسارى پەردەش ەسەنبەك.
ەسكە سالا كەتەيىك، «تازا قازاقستان» رەسپۋبليكالىق اكتسياسى مەملەكەت باسشىسىنىڭ تاپسىرماسى بويىنشا ەلدى مەكەندەردىڭ اۋماقتارىن اباتتاندىرۋ جانە كوگالداندىرۋعا، قورشاعان ورتاعا ۇقىپتى قاراۋ قۇندىلىقتارىن قالىپتاستىرۋعا، حالىق اراسىندا جوعارى ازاماتتىق جاۋاپكەرشىلىك پەن ەكولوگيالىق مادەنيەتتى تاربيەلەۋگە باعىتتالعان.
