Búgin Shymkent qalasynda «Taza Qazaqstan» respýblıkalyq ekologııalyq akııasy jalǵasýda. Osy oraıda Qarataý aýdanyndaǵy Nurtas shaǵyn aýdanynda «Taza aýla» akııasy ótti.
Mundaı izgi shara - qalanyń barlyq aýdandarynda jappaı ótkizilýde jáne qoqystardy jınaý, tazalyqty saqtaý, jalpy qorshaǵan ortaǵa uqypty qaraý qundylyqtary men mádenıetin qalyptastyrýǵa yqpal etedi.
Tazalyq sharasyna aýdan turǵyndary, belsendi jastar men «Jasyl el» jasaqtarynyń músheleri qatysyp, ózderiniń aýlalary men irgeles aýmaqtardy retke keltirý jumystaryn júrgizdi. Sondaı-aq, is-sharada aýlalardy tazalaý, qoqystar shyǵarý, qýraǵan aǵashtardy kesý, qorshaýlar men oryndyqtardy syrlaý jumystary júrgizildi.
«Búgin Prezıdentimizdiń tapsyrmasy aıasynda «Taza Qazaqstan» ekologııalyq respýblıkalyq akııasy qazir barlyq eldi mekenderde qoldaý taýyp otyr. Óıtkeni tazalyq birinshi - densaýlyq, ekinshi - mádenıet. Eldiń azamattary óziniń ortasynyń tabıǵatyn tazalaǵyn saqtap otyrý úlken áleýmettik mańyzǵa ıe dep oılaımyn. Tazalyq - árbir úıdiń ózinen bastalady», – dep atap ótti Eńbekshi aýdandyq ardagerler keńesi tóraǵasynyń orynbasary Perdesh Esenbek.
Eske sala keteıik, «Taza Qazaqstan» respýblıkalyq akııasy Memleket basshysynyń tapsyrmasy boıynsha eldi mekenderdiń aýmaqtaryn abattandyrý jáne kógaldandyrýǵa, qorshaǵan ortaǵa uqypty qaraý qundylyqtaryn qalyptastyrýǵa, halyq arasynda joǵary azamattyq jaýapkershilik pen ekologııalyq mádenıetti tárbıeleýge baǵyttalǵan.