قر پارلامەنت ءماجىلىسىنىڭ دەپۋتاتى مۇرات ابەنوۆ ەلىمىزدى قارا ورانعانداردىڭ كوبەيىپ بارا جاتقانىنا الاڭداۋشىلىق ءبىلدىردى، دەپ حابارلايدى “ادىرنا” ۇلتتىق پورتالى. بۇل تۋرالى ول نۇرلان يمامنىڭ ۆيدەوسىمەن جەلىدە ءبولىسىپ، ءوز ويىن جازدى.
دەپۋتات ۋاعىز ايتاتىن يمامدار رەسمي تۇردە مۋفتياتقا قاتىستى تەك ءابۋ حانيفا مازھابىن ۇستاناتىندار عانا بولۋى مىندەتتى ەكەنىن ايتتى.
ء"وز-ءوزىن “ۇستاز” دەپ اتايتىن، تۇسىنىكسىز اعىمداردىڭ وكىلى ەمەس. سوڭعى كەزدە قازاق ۇلتىنىڭ ەجەلدەن كەلە جاتقان اناۋ ءداستۇرى حارام، مىناۋ زاتى سايكەس كەلمەيدى، مىنا كيىم دۇرىس ەمەس دەپ اراڭداتاتىن “ۋاعىز” ايتاتىندار كوبەيدى", - دەدى مۇرات ابەنوۆ.
سونداي-اق، ول سالت-ءداستۇردى دارىپتەۋدە دە ءدىننىڭ شيەلەنىسىپ كەتكەنىن جاسىرمادى.
“دومبىرا تارتپا، سالەم سالما، بەتتى اشپا، تۇساۋ كەسپە” - دەپ حالىقتى اشۋىن تۋعىزاتىن ناسيحاتشىلار پايدا بولدى. قازاق يسلام ءدىنىنىڭ ء"ابۋ حانيفا" مازھابىن، ياعني حانافي باعىتىنىڭ بايىرعى تۇركىلىك سالت-ءداستۇردىڭ يسلام دىنىنە قايشى كەلمەيتىن تۇستارىن ساقتاپ قابىلداعان. مىسالى قازاق دالاسىندا ادام قايتىس بولعاننان كەيىن دۇنيە-ءمۇلكىمەن، مىنگەن اتىمەن جەرلەۋ ءداستۇرى بولعانىن ارحەولوگيالىق قازبالاردان كورەمىز. ولار يسلامعا قايشى كەلەتىن بولعاسىن وسى جەردە تۇرعاندار سول باياعى كەزدەردە ول داستۇردەن باس تارتقان. دەمەك، قازاقتىڭ وسى كەزگە دەيىن ورنىققان سالت-داستۇرلەرىنىڭ ءبارى دىنمەن ۇيلەسكەن ، سايكەس كەلتىرىلگەن ۇلتتىق قۇندىلىق. ولاردى قازىر رەۆيزيا جاساپ، جوققا شىعارۋدىڭ قاجەتى جوق. بىزگە حانافي ءمازھابى يسلام قۇندىلىقتارىن ۇلتتىق سالت-داستۇرلەرمەن ۇتىمدى ۇشتاستىرا بىلگەنى ءۇشىن اسا ماڭىزدى", - دەدى دەپۋتات.
ال نۇرلان يمام تيك توك جەلىسىندەگى تىكەلەي ەفيرىندە قوعامدا قارا كيىنەتىندەردىڭ ءىسى قازاقى سالت پەن ساناعا قايشى ەكەنىن جەتكىزدى.
