پوليتسيا الماتى وبلىسىنداعى "قورعاس" شىحو-دا كەدەن قويماسىنىڭ تونالعانى تۋرالى اقپاراتتى جوققا شىعاردى، - دەپ حابارلايدى Tengrinews.kz ءتىلشىسى.
پوليتسيا مالىمەتىنشە، وقيعا 31 شىلدەدە بولعان. "ىشىندە ايەلدەر بار 15-20 ادامنان تۇراتىن ازاماتتار توبى كەدەنشىلەر قىزمەتكەرلەرىنىڭ نىسانىنداعى كۇش-جىگەرىنە قاراماستان "التىنكول" تك-دە ۋاقىتشا ساقتاۋ قويماسىنىڭ (ۋسق) قاقپاسىن بۇزىپ كىرىپ، قويما ءۇي-جايلارىنىڭ الدىنداعى الاڭعا كىردى", - دەلىنگەن حابارلامادا. وقيعا ورنىنا كەلگەن پوليتسيا قىزمەتكەرلەرى مەن پروكۋراتۋرا قىزمەتكەرلەرى ازاماتتارمەن قۇقىققا قارسى ارەكەتتەرگە جول بەرمەۋ تۋرالى ءتۇسىندىرۋ جۇمىستارىن جۇرگىزگەن جانە جاعداي سول جەردە رەتتەلگەن. "قويما ءۇي-جايلارىن توناۋعا جول بەرىلگەن جوق", - دەپ حابارلادى وبلىستىق پوليتسيا وكىلدەرى. "بۇل دەرەك رەسمي تىركەلگەن. قۇقىق بۇزۋشىلاردىڭ ءىس-ارەكەتتەرىنە قۇقىقتىق باعا بەرىلدى. ۋسق قاقپاسىن قيراتقان بەس قاتىسۋشى "ۇساق بۇزاقىلىق" بابى جاۋاپكەرشىلىككە تارتىلدى. پانفيلوۆ اۋداندىق سوتىنىڭ شەشىمىمەن 1981 جانە 1990 جىلى تۋعان ەكى ايەلگە (جاركەنت قالاسىنىڭ تۇرعىندارىنا) 5 اەك كولەمىندە ايىپپۇل سالىندى. سونداي-اق، 1993-98 جىلدار ارالىعىندا تۋعان ء(ۇشارال جانە قىرىققۇدىق اۋىلىنىڭ تۇرعىندارى) ءۇش ەر ادام ءۇش تاۋلىككە اكىمشىلىك قاماۋعا الىندى", - دەلىنگەن حابارلامادا. الدىن الا اقپارات بويىنشا، ازاماتتاردىڭ زاڭسىز ءىس-قيمىلىنا ۋاقىتشا ساقتاۋ قويماسىنا ءوزىنىڭ سالماق ليميتىنەن اسىپ كەتكەن تاۋارلاردى ورنالاستىرعان كەدەنشىلەرمەن نارازىلىعى سەبەپ بولعان. بۇرىن كەدەنشىلەر الىپ قويعان حالىق تۇتىناتىن تاۋارلار قازىرگى ۋاقىتتا بەلگىلەنگەن تالاپتار بويىنشا مەملەكەتتىك باج تولەنگەن يەلەرىنە قايتارىلعان. سونداي-اق، جاعدايدىڭ تۇراقتى ەكەنى جانە كەدەن بەكەتىنىڭ اۋماعىندا قوسىمشا پوليتسيا جاساعى قويىلعانى ايتىلادى.
https://www.instagram.com/p/B0k1PIMnvKG/
ايتا كەتەيىك، كەشە، 1 شىلدەدە كۋاگەرلەردىڭ تۇسىرگەن بەينەلەرى الەۋمەتتىك جەلىلەردە تاراعان. وندا ءبىر توپ ادامنىڭ قاقپانى بۇزىپ، اۋلا ىشىنە كىرگەنى كورىنەدى. ۆيدەومەن قاتار "قىتاي مەن قازاقستان شەكاراسىنداعى قويمانى ءبىر توپ ادام توناپ كەتتى" دەگەن مالىمەت قوسا تاراعان ەدى.
"ادىرنا" ۇلتتىق پورتالى
