تسەلينوگراد اۋدانىندا دەنساۋلىق ساقتاۋ سالاسىندا ۇلكەن جۇمىس جۇرگىزىلۋدە.
مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس «اۋىلدىق دەنساۋلىق ساقتاۋدى جاڭعىرتۋ» ۇلتتىق پيلوتتىق جوباسى اياسىندا 11 مەديتسينالىق-سانيتارلىق العاشقى كومەك نىساندارىنىڭ قۇرىلىسى باستالدى.
اتاپ ايتقاندا، نۇرەسىل، ارايلى، ورازاق، جالعىزقۇدىق اۋىلدارىندا 4 دارىگەرلىك امبۋلاتوريا، تونكەرىس، قارامەندى باتىر، مانشۇك مامەتوۆا، اقجار، وتەمىس اۋىلدارىندا 5 فەلدشەرلىك-اكۋشەرلىك پۋنكت جانە رازدولنوە، ىنتىماق اۋىلدارىندا ەكى مەديتسينالىق پۋنكت سالىنادى.
مانشۇك مامەتوۆا، قارامەندى باتىر، رازدولنوە جانە وتەمىس اۋىلدارىندا جۇمىستار 35-45%-عا ورىندالدى - سىرتقى قابىرعالاردى كىرپىشپەن قالاۋ جۇمىستارى، ىشكى قابىرعالاردى سىلاۋ جۇمىستارى اياقتالدى، پاراپەتتەر مەن جەلدەتكىش شاحتالاردى ورناتۋ جۇمىستارى باستالدى، شاتىردى ورناتۋعا دايىندىق جۇمىستارى جۇرگىزىلۋدە.
نۇرەسىل، ارايلى، ىنتىماق، اقجار، ورازاق، تونكەرىس، جالعىزقۇدىق اۋىلدارىنداعى نىسانداردا قۇرىلىس جۇمىستارى 5-15% ورىندالدى. شۇڭقىردى تولتىرۋ جانە تىعىزداۋ، كىرپىش قالاۋعا دايىندىق جانە قورشاۋ ورناتۋ، سىرتقى جانە ىشكى قابىرعالاردى قالاۋ، قۇبىرلاردى توسەۋ، بەتون قۇيۋ جانە توسەۋ ارماتۋرامەن ىرگەتاستى نىعايتۋ، ىبق بلوكتارىن ورناتۋ.
كەلەسى جىلى تاعى 5 دەنساۋلىق ساقتاۋ نىسانى – جاڭاەسىل اۋىلىنداعى دارىگەرلىك امبۋلاتوريا، جاڭا جايناق، جارلىكول، راحىمجان قوشقارباەۆ اۋىلدارىنداعى 3 فەلدشەرلىك-اكۋشەرلىك پۋنكت جانە شالقار اۋىلىنداعى مەديتسينالىق پۋنكت قۇرىلىسىن باستاۋ جوسپارلانۋدا.
جالپى، بۇگىنگى كۇنى اۋداندا اۋداندىق ەمحانا، العاشقى مەديتسينالىق-سانيتارلىق كومەك ورتالىعى، 9 دارىگەرلىك امبۋلاتوريا، 25 مەديتسينالىق پۋنكت جانە 8 فەلدشەرلىك-اكۋشەرلىك پۋنكت (فاپ) جۇمىس ىستەيدى. اۋداننىڭ مەديتسينالىق مەكەمەلەرىندە 83 جوعارى ءبىلىمدى دارىگەر جانە 237 ورتا بۋىن مەديتسينا قىزمەتكەرى جۇمىس ىستەيدى.
ەستەرىڭىزگە سالا كەتەيىك، ۇلتتىق جوبانىڭ ماقساتى - اۋىل تۇرعىندارىنا مەديتسينالىق كومەك كورسەتۋ دەڭگەيىن ارتتىرۋ. ۇلتتىق جوبانىڭ ءبىرىنشى مىندەتى اۋىلدىق ەلدى مەكەندەردى نورماتيۆتەرگە سايكەس العاشقى مەديتسينالىق-سانيتارلىق كومەك ۇيىمدارىمەن قامتاماسىز ەتۋ بولىپ تابىلادى. ۇلتتىق جوبانىڭ ءبىرىنشى مىندەتى اياسىندا مەملەكەت باسشىسىنىڭ تاپسىرماسىنا سايكەس 655 مساك نىساندارىن سالۋ جوسپارلانۋدا.