46 جاستاعى ايەلگە ادامدى ءوز-وزىنە قول جۇمساۋعا يتەرمەلەدى دەگەن ايىپ تاعىلىپ وتىر
تاجىكستاندا ەنەسىنىڭ قورلىعىنا توزە الماعان كەلىن ءوز-وزىنە قول جۇمساماق بولدى، دەپ حابارلادى تاجىكستاننىڭ باس پروكۋراتۋراسىنىڭ باسپاسوز قىزمەتى.
46 جاستاعى ايەل بالاسى ۇيلەنگەلى كەلىنىنە كۇن كورسەتپەگەن. ول ءبىر جىل بويى قىزدى كەمسىتىپ، قورلاپ كەلگەن.
"ايەل كەلىنىنىڭ نامىسىنا ءتيىپ، قاتىگەزدىك تانىتقان. مۇندايعا توزە الماعان كەلىنشەك ءوز-وزىنە قول جۇمساۋدان باسقا شەشىم تاپپاعان", - دەپ جازىلعان حابارلامادا.
كەلىنشەك ۇيدەن شىعىپ، كوپىردەن وزەنگە سەكىرىپ كەتكەن. الايدا ءوتىپ بارا جاتقان ادام قۇتقارىپ الىپتى. ەنەسىنە قاتىستى قىلمىستىق ءىس قوزعالدى. ول كىنالى دەپ تانىلىپ، ءۇش جىلعا باس بوستاندىعىنان ايىرىلدى.
"ادىرنا" ۇلتتىق پورتالى
