46 jastaǵy áıelge adamdy óz-ózine qol jumsaýǵa ıtermeledi degen aıyp taǵylyp otyr
Tájikstanda enesiniń qorlyǵyna tóze almaǵan kelin óz-ózine qol jumsamaq boldy, dep habarlady Tájikstannyń bas prokýratýrasynyń baspasóz qyzmeti.
46 jastaǵy áıel balasy úılengeli kelinine kún kórsetpegen. Ol bir jyl boıy qyzdy kemsitip, qorlap kelgen.
"Áıel kelininiń namysyna tıip, qatygezdik tanytqan. Mundaıǵa tóze almaǵan kelinshek óz-ózine qol jumsaýdan basqa sheshim tappaǵan", - dep jazylǵan habarlamada.
Kelinshek úıden shyǵyp, kópirden ózenge sekirip ketken. Alaıda ótip bara jatqan adam qutqaryp alypty. Enesine qatysty qylmystyq is qozǵaldy. Ol kináli dep tanylyp, úsh jylǵa bas bostandyǵynan aıyryldy.
"Adyrna" ulttyq portaly
