الماتىدا سولتۇستىك اينالىم ايماعىندا ورنالاسقان ەكى قاباتتى قويما ورتەنىپ جاتىر. بۇل تۋرالى بۇگىن تجد ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«تجد كۇشتەرى مەن قۇرالدارى جەتكەن كەزدە سولتۇستىك اينالىم مەكەنجايىندا ورنالاسقان ساۋدا بۋتيكتەرىنىڭ اشىق جالىنمەن جانۋى انىقتالدى. ءورت ءسوندىرۋ جاساقتارى وقيعا ورنىنا التى مينۋتتا جەتتى. ءورتتىڭ كەش حابارلانۋىنا جانە قويمانىڭ جانۋ جۇكتەمەسىنىڭ كوپ بولۋىنا بايلانىستى ءورت ءورشي تۇسكەن»،—دەلىنگەن حابارلامادا.
مينيسترلىك جەدەل شتابتىڭ جۇمىسى ۇيىمداستىرىلعانىن اتاپ ءوتتى. قازىرگى تاڭدا سۋدىڭ ۇزدىكسىز بەرىلۋى قامتاماسىز ەتىلىپ جاتىر.
<
