ۇلتتىق قۇرىلتاي وتىرىسىندا مەملەكەت باسشىسى قازاقستاندىقتاردى كىتاپ وقۋعا تارتۋدىڭ ماڭىزدىلىعىن ەرەكشە اتاپ ءوتتى. پرەزيدەنت ءوز سوزىندە: «شىن مانىندە، تەك وقىرمان ۇلت شىنىمەن ينتەللەكتۋالدى بولا الادى. ءبىز وسكەلەڭ ۇرپاقتىڭ كىتاپ وقۋعا دەگەن قىزىعۋشىلىعىن وياتۋىمىز كەرەك»، دەپ ايتقان ەدى.
وسىعان بايلانىستى ەلىمىزدە «اۋىلدىق كىتاپحانالارعا ارنالعان 100 كىتاپ» اكتسياسى باستالدى. بۇل اكتسيانىڭ ماقساتى - شالعايداعى اۋىلدىق كىتاپحانالاردى ادەبيەتتىڭ جاڭا تۋىندىلارىمەن تولىقتىرۋ، وسكەلەڭ ۇرپاقتىڭ وقۋعا دەگەن قىزىعۋشىلىعىن ارتتىرۋ.
جاقىندا تسەلينوگراد اۋدانىنىڭ رودينا اۋىلىنىڭ كىتاپحاناسى پرەزيدەنت قاسىم-جومارت كەمەلۇلى توقاەۆتىڭ اتىنان 100 دانا كىتاپپەن، ونىڭ ىشىندە قازاق كوركەم ادەبيەتىنىڭ ۇزدىك تۋىندىلارى، تانىمدىق-اعارتۋشىلىق ەڭبەكتەرى، بالالار ادەبيەتى، تانىمال زاماناۋي اۆتورلاردىڭ شىعارمالارىمەن تولىقتى.
