ساندىقتاۋ اۋدانىنىڭ بالكاشينو اۋىلىندا «قاناعات» قوناقۇي-تۋريستىك كەشەنىندە «جالىندى بولاشاق» سكاۋتتىق قوزعالىس شاتىرلىق لاگەرى وتكىزىلدى.
ۇيىمداستىرۋشىلار تۋريزم، دەنە شىنىقتىرۋ، العاشقى اسكەري جانە تەحنولوگيالىق دايىندىق ورتالىعى.
ءىس-شاراعا اقمولا وبلىسىنىڭ بەس اۋدانىنان 50-گە جۋىق وقۋشى،ناقتىراق ايتساق، كوپ بالالى وتباسى، از قامتىلعان وتباسىنىڭ بالالارى قاتىستى.
جارىس بارىسىندا كوماندالار وزدەرىنىڭىڭ داعدىلارىن كورسەتتى:
- تۋريستتىك كەدەرگىلەر جولاعى
- تۋريستىك• تۋيىندەر
- ۇزدىك بيۆۋاك
- تۋريستىك اندەر
- لوگيكالىق كەدەرگىلەر
- ريۋكزاكتى ۋاقىتكا (سالۋ دۇرىستىعى) جيناۋ
«جارىس بىرنەشە كۇنگە سوزىلىپ وتە قىزىقتى ءوتتى، وقۋشىلار جارىسىپ قانا قويماي دەمالىپ جاڭا دوس تاۋىپ بوس ۋاقىتتارىندا ۆيكتورينا، ۆولەيبول ويىندارىنا قاتىستى، كەشكى ۋاقىتتا قىزىقتى فيلمدەر كورىپ بي الاڭىندا كەزدەستى»،- دەپ ايتتى ۇيىمداستىرۋشىلار.
سونىمەن قاتار قاتىسۋشىلار جىلداعى ءداستۇر بويىنشا، بىرنەشە شاقىرىم جەردە ورنالاسقان بۇلاق باسىنا بارىپ تازالىق جۇمىستارىن جۇرگىزىپ كەلدى.
اپتالىق سپارتاكيادانىڭ قورىتىندىسى بويىنشا جۇلدەلى ورىندارعا كەلەسى كوماندالار يە بولدى:
1 ورىن - ەسىل اۋدانى;
2 ورىن - زەرەندى اۋدانى;
3 ورىن - جاقسى اۋدانى.
جەڭىمپازدار باعالى سىيلىقتارمەن، كۋبوك، ديپلوم، گراموتالارمەن ماراپاتتالدى.