بۇگىن، 6 شىلدە - ەلىمىزدە ەلوردا كۇنى اتاپ وتىلۋدە، دەپ حابارلايدى “ادىرنا” ۇلتتىق پورتالى.
استانا كۇنى 1998 جىلدان – “ەلوردا” مارتەبەسىن العان ساتتەن باستاپ تويلانىپ كەلەدى.
1994 جىلى 6 شىلدەدە قازاقستان جوعارعى كەڭەسى استانانى الماتىدان اقمولاعا كوشىرۋ تۋرالى قاۋلى قابىلدادى. ال 1998 جىلى قالانىڭ اتاۋى استانا بولىپ وزگەرتىلدى. 2000 جىلداردىڭ باسىندا قالادا ۇلتتىق ستاتيستيكا بيۋروسىنىڭ مالىمەتى بويىنشا 380 مىڭنان ءسال استام ادام تۇرسا، 2024 جىلعى 1 ماۋسىمداعى جاعداي بويىنشا حالىق سانى 1 464 415 ادامعا جەتتى، ونىڭ 696 234-ءى ەرلەر جانە 768 181-ءى ايەلدەر.
2022 جىلدىڭ اياعىندا استانادا جاڭا اۋدان پايدا بولدى، ول نۇرا دەپ اتالدى. قازىر ەلوردا رەسمي تۇردە 5 اۋدانعا بولىنگەن: الماتى، بايقوڭىر، ەسىل، نۇرا جانە سارىارقا. بىراق بۇل ۇزاققا سوزىلمايدى، ويتكەنى بيىل تاعى باسقا اۋدان قۇرۋ تۋرالى تالقىلاندى. ول الماتى وبلىسى قايتا قۇرىلعاننان كەيىن پايدا بولىپ، سارايشىق دەپ اتالادى.
استانا كۇنى قارساڭىندا جانە شىۇ ءسامميتىنىڭ قۇرمەتىنە 3 شىلدەدە استانادا مەرەكەلىك وتشاشۋ ءوتتى.
ال بۇگىن، 6 شىلدەدە ەكسپو الاڭىندا مەرەكەلىك Open Air كونتسەرتى وتەدى. جوسپار بويىنشا ساعات 18:00-دە باستالۋى كەرەك. كونتسەرت سوڭىندا ۇشقىشسىز جارىق شوۋى جوسپارلانعان. درون شوۋىنىڭ بولجامدى ۋاقىتى 22:15 - 22:30.
