بۇگىن دەپۋتاتتاردىڭ وڭىرلەردە جۇمىسى باستالدى. «AMANAT» پارتياسى فراكتسياسىنىڭ مۇشەلەرى پاۆەل كازانتسەۆ، تاتيانا ساۆەلەۆا، سامات نۇرتازا، مارات باشيموۆ جانە دۇيسەنباي تۇرعانوۆ استاناداعى «تۇران» گاز جىلۋ ستانتسياسىنىڭ قۇرىلىسىمەن تانىستى.
بۇگىندە قۋاتى ساعاتىنا 250 گيگاكالوري بولاتىن 4 قازاندىق سالۋ جۇمىسى ءجۇرىپ جاتىر. بۇل قادام الداعى جىلۋ بەرۋ ماۋسىمىندا ەلوردانىڭ نۇرا اۋدانىندا ورنالاسقان تۇرعىن ۇيلەردى بىرىڭعاي جىلۋمەن جابدىقتاۋ جۇيەسىنە قوسۋعا مۇمكىندىك بەرەدى. بۇعان دەيىن بۇل نىساندار جەكە قازاندىقتاردى پايدالانىپ كەلگەن بولاتىن.
«AMANAT» پارتياسىنىڭ سايلاۋالدى باعدارلاماسى اياسىندا جىلۋمەن جابدىقتاۋ ماسەلەلەرىن شەشۋ ماقساتىمەن «تۇران» گجس قۇرىلىسى جالعاستىرىلۋدا. العاشقى قازاندىق بىلتىر پايدالانۋعا بەرىلدى.
– جۋىردا ءبىز «جىلۋ ەنەرگەتيكاسى تۋرالى» زاڭ قابىلدادىق. بۇل قۇجات اتالعان سالاداعى مەملەكەتتىك قاداعالاۋدى كۇشەيتۋگە مۇمكىندىك بەرەدى. وسىلايشا، جىلۋ جەلىلەرىن باقىلاۋ قىزمەتى جەرگىلىكتى اتقارۋشى ورگانداردان ەنەرگەتيكا مينيسترلىگىنىڭ اتوم جانە ەنەرگەتيكالىق قاداعالاۋ كوميتەتىنە بەرىلدى. سونداي-اق جىلۋ ەنەرگەتيكاسىن دامىتۋدىڭ ماستەر-جوسپارى ەنگىزىلۋدە. بۇل قادام سالاداعى جۇمىستى جۇيەلەندىرۋگە جانە رەتكە كەلتىرۋگە مۇمكىندىك بەرەدى. استانادا 2 جىل بۇرىن جىلۋ تاپشىلىعى بولعان ەدى. الايدا وتكەن جىلىتۋ ماۋسىمىندا قالا العاش رەت پروفيتسيتكە شىقتى. بۇعان «وڭتۇستىك-شىعىس» گاز جىلۋ ستانساسى مەن «تۇران» گجس-نىڭ 1 كەزەڭى پايدالانۋعا بەرىلۋى ىقپال ەتتى، – دەدى دەپۋتات دۇيسەنباي تۇرعانوۆ.
دەپۋتات پاۆەل كازانتسەۆ جىلۋمەن قامتاماسىز ەتۋ ماسەلەسى شەشىلگەندىكتەن، «تۇران» گجس تۇرعىن ءۇي قۇرىلىسىنا سەرپىن بەرەتىنىن اتاپ ءوتتى. قورعالجىن تاس جولى بويىندا قازاندىقتى پايدالانۋعا بەرۋ ارقىلى جىلۋ تاپشىلىعى بار نەگىزگى اۋماقتاردى جانە سىعاناق كوشەسىنىڭ وڭتۇستىگىندە، تۇران داڭعىلىنىڭ باتىسىندا ورنالاسقان بولاشاعى بار قۇرىلىس اۋماقتاردى جىلۋمەن قامتاماسىز ەتۋگە مۇمكىندىك بەرەدى.
اتاپ ايتقاندا، قازاقستاندىق يپوتەكالىق كومپانيانىڭ تۇرعىن ءۇي كەشەنى سالىنىپ جاتقان «ەللينگتون» كوپبەيىندى وتباسىلىق ويىن-ساۋىق تۋريستىك اۋماعىنا جانە قورعالجىن تاس جولى مەن سەيفۋللين كوشەسى اراسىنداعى ۋچاسكەگە جىلۋ جەلىلەرىن جەتكىزۋگە بولادى. بۇل جاڭا تۇرعىن ۇيلەردى، ونىڭ ىشىندە الەۋمەتتىك نىسانداردى، سونداي-اق كوممەرتسيالىق ۇيىمداردىڭ عيماراتتارىن ىسكە قوسۋعا مۇمكىندىك بەرەدى.
– 2023 جىلدان بەرى پروفيتسيت دەڭگەيىنە جاقىنداپ كەلەمىز. ياعني، جاڭا ۇيلەردى جىلۋ جەلىلەرىنە قوسۋعا قاتىستى ەشقانداي شەكتەۋ جوق. سونداي-اق جىلۋ جەلىلەرىنە بايلانىستى اقاۋ دا جوق. جاڭادان قوسىلعان 3 ستانتسيا قاجەتتى گيدراۆليكالىق رەجيمدى ساقتاۋعا مۇمكىندىك بەرەدى. ءبىز استانانى ارتىق شىعىنسىز جىلۋمەن قامتاماسىز ەتە الامىز، – دەدى استانا قالاسى ەنەرگەتيكا باسقارماسى باسشىسىنىڭ ورىنباسارى ماقسات ەسماعۇلوۆ.
سونىمەن قاتار، دەپۋتاتتار ەنەرگەتيكتەردىڭ ۇسىنىستارىن تىڭدادى. ونىڭ ىشىندە ەلەكتر ەنەرگەتيكاسى تۋرالى زاڭعا دا قاتىستى ۇسىنىستار بار.
ساپار بارىسىندا ماجىلىسمەندەر وندىرىستىك جانە الەۋمەتتىك نىسانداردى ارالاپ، ەڭبەك ۇجىمدارىمەن كەزدەسۋلەر، سونداي-اق ازاماتتاردىڭ جەكە ماسەلەلەرى بويىنشا قابىلداۋلار وتكىزەدى. تۇرعىندارمەن جۇزدەسۋ بارىسىندا دەپۋتاتتار سايلاۋشىلاردى قابىلدانعان زاڭنامالىق وزگەرىستەر تۋرالى حاباردار ەتىپ، ازاماتتاردىڭ تاراپىنان كوتەرىلگەن اسا ماڭىزدى ماسەلەلەردى زەردەلەيدى. ءارى قاراي دەپۋتاتتار ۇكىمەتپەن بىرگە وسى ماسەلەلەردى شەشۋ جولدارىن ىزدەيدى. دەپۋتاتتاردىڭ وڭىرلەردەگى ساپار قورىتىندىسى كۇزدە پارلامەنت ءماجىلىسىنىڭ جالپى وتىرىستارىنىڭ بىرىندە جيناقتالادى.
