ءوڭىر باسشىسى مارات احمەتجانوۆتىڭ توراعالىعىمەن وتكەن وبلىستىق اكىمدىكتىڭ وتىرىسىندا الداعى جىلۋ بەرۋ ماۋسىمىنا دايىندىق ماسەلەسى قارالدى.
«اعىمداعى جىلى جىلۋ بەرۋ ماۋسىمىنا دايىندالۋعا بارلىق قارجىلاندىرۋ كوزدەردەن شامامەن 32 ملرد تەڭگە ءبولىندى»، - دەپ حابارلادى ەنەرگەتيكا جانە تۇكش باسقارماسى باسشىسىنىڭ م.ا. اقجول قىلىشباەۆ. - جىلۋمەن جابدىقتاۋ كوزدەرى مەن جەلىلەرىنىڭ توزۋى جوعارى وڭىرلەردە – كوكشەتاۋ جانە ستەپنوگورسك قالالارىندا، سونداي-اق بۋراباي، شورتاندى، اقكول، اتباسار اۋداندارىندا جوندەۋ جۇمىستارى ەرەكشە نازار اۋدارۋدى تالاپ ەتەدى. ونداعى جەلىلەردىڭ توزۋى 56%-دان 81%-عا دەيىن. الداعى كۇزگى-قىسقى كەزەڭگە دايىندىق بويىنشا جوندەۋ ناۋقانى بەكىتىلگەن كەستەگە سايكەس جۇزەگە اسىرىلادى.
جىلىتۋ ماۋسىمىنىڭ ءساتتى ءوتۋى جانە پاتەرلەردە تەمپەراتۋرالىق رەجيمدى ساقتاۋ ءۇشىن ماڭىزدى فاكتور باسقارۋ ورگاندارىنىڭ كوپ پاتەرلى تۇرعىن ۇيلەردى قىستا دايىنداۋى بولىپ تابىلادى. جوسپارعا سايكەس، وبلىستا 2630 كوپ پاتەرلى تۇرعىن ءۇيدىڭ دايىندىعىن قامتاماسىز ەتۋ قاجەت. ەڭ ۇلكەن ارتتا قالۋشىلىق بۋراباي اۋدانىندا قالىپتاستى.
سۋ تاسقىنى كەزىندە ەلەكتر جەلىلەرىنىڭ 286 تىرەگى زاقىمدالدى، بۇگىنگى تاڭدا 196-سى قالپىنا كەلتىرىلدى، جۇمىستار جالعاسۋدا.
سونداي-اق، جيىندا جاڭا ابونەنتتەردى جىلۋ جەلىلەرىنە قوسۋ ءتارتىبى، حالىقتى كومىرمەن جانە مازۋتپەن قامتاماسىز ەتۋ ماسەلەلەرى دە تالقىلاندى.
مارات احمەتجانوۆ اۋداندار مەن قالالاردىڭ اكىمدىكتەرىنە بەيىندى باسقارمالارمەن بىرلەسىپ، جوندەۋ جۇمىستارىنىڭ بارىسىنا مونيتورينگ جۇرگىزۋدى جانە الداعى جىلۋ بەرۋ ماۋسىمىنىڭ ۇزدىكسىز ءوتۋى ءۇشىن تولىق دايىندىقتى قامتاماسىز ەتۋدى تاپسىردى.
«ءبىز شتاتتان تىس جاعدايلار ورىن العان كەزدە سالدارىنىڭ تاۋەكەلدەرىن باعالاۋ جانە زاقىمدانۋدى ازايتۋ ءۇشىن تەز ارەكەت ەتۋگە دايىن بولۋىمىز، جىلۋمەن جابدىقتاۋدىڭ بۇزىلۋىنا جول بەرمەۋىمىز كەرەك. سونداي-اق، اپاتتى جاعدايدا وتىن مەن ماتەريالداردىڭ، جابدىقتار مەن تەحنيكانىڭ نورماتيۆتىك قورىن قامتاماسىز ەتۋ قاجەت»، - دەپ تۇيىندەدى مارات احمەتجانوۆ.
