وبلىس اكىمى نازارىنا!
شەت ەلدىك تۋريستەردى كۇتىپ الۋعا كەيدە جىبەك جولى (بۇرىنعى چەرنياەۆكا) باقىلاۋ وتكىزۋ پۋنكتىنە بارىپ تۇرامىن. كۇتىپ العان قوناقتاردان ۇيالىپ ولەسىڭ مۇنداعى جاعدايدان. ءوزىمىزدى ماسقارالاۋدى قاشان دوعارامىز؟؟؟!!!
قاقپادان شىققان ءاربىر ادامنىڭ بىلەگىنە جارماسقان جەرگىلىكتى تاكسيستەر شىعۋشىلارعا تاۋارداي تالاسادى. ول ادامعا تاكسي كەرەك پە، كەرەك ەمەس قاراپ جاتقان ەشكىم جوق. ولاردان امان وتسەڭىز قولدارىنا بۋما اقشا ۇستاعان ايەل كىسىلەر جىبەرمەيدى "اقشا اۋىستىر" دەپ. دورەكىلىكتەرىندە شەك جوق. شەكارا قاقپاسىنان قازاقستانعا شىققاننان "ارپالىس" باستالادى. توپىرلاعان وسىنداي ادامداردان وتكەن ادام اينالاداعى قوقىستى تا بايقاماي قويمايدى. قاقىرىپ، تۇكىرىپ، تەمەكى تۇقىلىن تاستاپ تۇرعان "جەكە تاكسيستەر" "كۇنكورىس قوي ەندى" دەگەندى ايتادى. تۇسىنەمىن، وڭاي ەمەس نان تابۋ. بىراق رەتتەۋگە بولادى عوي ءبارىن. جاۋاپتى كىم بۇل جاعدايدى رەتتەۋگە؟؟؟
ءبىزدىڭ ەلگە كەلگەن قوناقتاردىڭ ءبىرىنشى اسەرى وسىنداي جاعدايمەن قالىپتاسادى.
كىم كىنالى؟ قايدا رەسمي تۇردە ارىزدانامىز؟ بىلە تۇرا جۇرە بەرەمىز بە بايقاماعانسىپ؟ باسشىلارعا ءۇمىت ارتا الامىز با؟
رۇستەم ەگەنبەرديەۆ
"ادىرنا" ۇلتتىق پورتالى
