گەرمانيادا ولتىرىلگەن قازاقستاندىق ەكس-سۋديا ايگۇل سايلىباەۆانىڭ قولىنان، موينىنان جانە بەتىنەن پىشاق جاراقاتى تابىلدى. بۇل تۋرالى Bild باسىلىمى جازدى، دەپ حابارلايدى «ادىرنا» ءتىلشىسى.
«ءبىز توبەلەس بولدى دەپ بولجاپ وتىرمىز. ايەلگە شابۋىل جاسالدى جانە ول ءوزىن-ءوزى قورعاعان بولۋى كەرەك»، - دەدى تەرگەۋشى باق-قا بەرگەن سۇقباتىندا.
پروكۋراتۋرا BILD ساۋالىنا بەرگەن جاۋابىندا بۇل ءىس بويىنشا بىردە-ءبىر كۇدىكتى جوق ەكەنىن ايتقان.
مارقۇمنىڭ قىزى قازىر اكەسىنىڭ قاسىندا ەكەنى انىقتالدى. ونىڭ 35 جاستاعى اعاسى قانات سايلىباەۆ گەرمانياعا قازاقستاننان كەلگەن. ەر ادام اپكەسىن قازاقستاندا جەرلەگىسى كەلەتىنىن ايتتى.
«ادەتتە بەس مينۋت ىشىندە حابارلامالارعا جاۋاپ بەردى. اتا-انامىز ايگۇلمەن كۇن سايىن حابارلاسىپ تۇردى، سوڭعى رەت 3 ماۋسىمدا تەلەفونمەن سويلەستى. 5 ماۋسىمدا ءبىز پوليتسياعا حابارلادىق. ول وتە اشىق، جاۋاپتى ادام بولاتىن. قىزىن بارىنەن قاتتى جاقسى كورەتىن اياۋلى انا بولعان.
ايگۇلدىڭ ولىمىنە كىنالى ادام ءادىل جازا الارىنا جانە ادىلدىك ورنايتىنىنا سەنەمىن، - دەدى مارقۇمنىڭ اعاسى.
ەسكە سالايىق، 17 ماۋسىمدا گەرمانيادا ءىز-ءتۇسسىز جوعالىپ كەتكەن قازاقستاندىق ايەل ءولى كۇيىندە تابىلعان بولاتىن.
