قازاقستان رەسپۋبليكاسى وقۋ-اعارتۋ مينيسترلىگىنىڭ رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعىنىڭ ۇيىمداستىرۋىمەن «ماماندىقتار الەمىن اشامىز» رەسپۋبليكالىق فورۋمى 2024 جىلدىڭ مامىر ايىندا قاشىقتىق فورماتىندا ءوتتى.
فورۋم بولاشاق ماماندىقتى ءساتتى تاڭداۋ ءۇشىن ءبىلىم الۋشىلاردىڭ كاسىپتەردى زەردەلەۋگە شىعارماشىلىق كوزقاراسىن جانداندىرۋ، بالالاردى ءارتۇرلى كاسىپتەر مەن ەڭبەك اۋلەتتەرىنىڭ وكىلدەرىنە دەگەن قۇرمەت سەزىمىن تاربيەلەۋ، ءبىلىم الۋشىلار مەن پەداگوگتەردى بىرلەسكەن قوعامدىق ماڭىزى بار كاسىپتىك باعدار بەرۋ قىزمەتىنە تارتۋ، جۇمىسشى كاسىپتەردىڭ بەدەلىن كوتەرۋ ماقساتىندا وتكىزىلدى.
فورۋمعا رەسپۋبليكامىزدىڭ بارلىق وبلىستارىنان جانە قالالارىنان 180 جەڭىمپازى قاتىستى.
اقمولا وبلىسىنان وبلىستىق كەزەڭنىڭ 9 جەڭىمپازدارى قاتىستى.
رەسپۋبليكالىق كەزەڭدە ەرەيمەنتاۋ اۋدانى، ولجاباي باتىر اۋىلىنىڭ جالپى ورتا ءبىلىم بەرەتىن مەكتەبىنىڭ 11 سىنىپ وقۋشىسى - جانتۋاروۆا ءمولدىر ءوزىنىڭ «قۇس – Farm» بيزنەس جوباسىن قورعادى
«ءمولدىر ۇزاق ۋاقىت وسى تاقىرىپ بويىنشا جۇمىس ىستەدى. ينتەرنەتتە كوپتەگەن ماتەريالداردى قاراپ شىقتى. جوبانى قورعاۋ بارىسىندا ول قۇس فەرماسىن اشۋ، قارجىلاندىرۋ، قۇستاردى تاماقتاندىرۋ، جۇمىرتقا مەن ەتتى ساتۋ جولدارى، جۇمىس ورىندارىن قۇرۋ تۋرالى تولىق ايتىپ بەردى»، - دەدى جوبا جەتەكشىسى Cاياگۋل سمايلوۆا.
فورۋم قورىتىندىسى بويىنشا جانتۋاروۆا ءمولدىر «مەنىڭ كاسىبىم – مەنىڭ بيزنەسىم» نوميناتسياسى بويىنشا II ورىن جۇلدەگەرى اتاندى.
