ەلىمىزدىڭ بارلىق ءوڭىرىندەگى 300-دەن استام دارىگەر، مەدبيكەلەر، وقىتۋشىلار، عالىمدار، مەديتسينالىق ۇيىمداردىڭ باسشىلارى، دەنساۋلىق ساقتاۋ سالاسىنىڭارداگەرلەرى مەن ساراپشىلار «AMANAT»پارتياسىنىڭ «دارىگەر Talks» ديالوگ الاڭىندا باس قوستى. ولار مەديتسينالىق قىزمەت كورسەتۋ جۇيەسىنىڭ قازىرگى جاي-كۇيىن تالقىلاپ, وتاندىق مەديتسيناداعى وزەكتى ماسەلەلەردءى شەشۋ جولدارىن ۇسىندى. سونداي-اق قاتىسۋشىلارعا پارتيالىق جانە ۆەدومستۆولىق ناگرادالار تابىستالدى.
جاڭا ديالوگ الاڭىنىڭ العاشقى جيىنى Nazarbayev University مەديتسينا مەكتەبىندە ءوتتى. «دارىگەر Talks»-تىڭ ەرەكشەلىگى – مۇندا دارىگەرلەر دەنساۋلىق ساقتاۋ سالاسىن دامىتۋ اياسىندا ومىردەگى جانە كاسىپتەگى وزدەرىنىڭ جەكە قالىپتاسۋ تاريحىمەن بولىسەدى.
ءسوز باسىندا، ءماجىلىس سپيكەرى، «AMANAT»پارتياسىنىڭ توراعاسى ەرلان قوشانوۆ بارشا قاتىسۋشىنى وتكەن مەديتسينا قىزمەتكەرى كۇنىمەن قۇتتىقتاپ، مەملەكەت ارقاشان دەنساۋلىق ساقتاۋ سالاسىنا ەرەكشە نازار اۋداراتىنىن اتاپ ءوتتى. ول سونداي-اق پارتيانىڭ 70 مىڭعا جۋىق مۇشەسى – مەديتسينا سالاسىنىڭ وكىلدەرى ەكەنىن جانە ولار «AMANAT»-تىڭ ماڭىزدى تىرەگى سانالاتىنىن جەتكىزدى.
«مەملەكەت باسشىسىنىڭ ۇسىنىسىمەن قايتادان «قازاقستاننىڭ ەڭبەك سىڭىرگەن دارىگەرى» مەملەكەتتىك ناگراداسى ەنگىزىلدى. قوعام دارىگەرلەرىمىزدىڭ ەرەن ەڭبەگىن باعالاپ قانا قويماي، ولار تۋرالى ەگجەي-تەگجەيلى ءبىلۋى كەرەك دەپ سانايمىن. سول سەبەپتى دە «AMANAT» پارتياسى وسى «دارىگەر Talks» الاڭىن اشىپ وتىر. وسى جەردە مەديتسينا قوعامداستىعى دەپۋتاتتىق كورپۋسپەن جانە دەنساۋلىق ساقتاۋ مينيسترلىگىمەن بىرگە اشىق ديالوگ فورماتىندا وزەكتى ماسەلەلەردى تالقىلاپ، ونى شەشۋ جولدارىن ايقىنداي الادى. ءبىزدىڭ مىندەتىمىز – ءار دارىگەردىڭ ءۇنىنەستءىرتۋ»، – دەدى ول.
سونداي-اق ەرلان قوشانوۆ جۋىردا دەنساۋلىق ساقتاۋ زاڭناماسىنا ەنگىزىلگەە ءتۇزەتۋلەرگە نازار اۋداردى. بۇل تۇزەتۋلەردى «AMANAT» پارتياسى ازىرلەدى. زاڭدا مەديتسينا قىزمەتكەرلەرىنە ارنالعان بىرقاتار الەۋمەتتىك كەپىلدىكتەر قاراستىرىلىپ، ولاردىڭ قۇقىعىن قورعاۋ جۇمىسى كۇشەيتىلۋدە. «AMANAT»پارتياسىنىڭ توراعاسى دارىگەرلەرگە قول جۇمساۋ وقيعالارى جيىلەپ بارا جاتقانىنا جەكە توقتالدى.
«مۇنداي ارەكەتتەردى اقتاپ الۋعا بولمايدى. سوندىقتان ءبىز بارلىق دەڭگەيدەگى مەديتسينا قىزمەتكەرلەرى ءۇشىن قاۋىپسىز ەڭبەك جاعدايىن قامتاماسىز ەتۋ باعىتىندا جۇمىس ىستەپ جاتىرمىز. دەپۋتاتتار – «AMANAT» فراكتسياسىنىڭ مۇشەلەرى مەديتسينا قىزمەتكەرلەرىن قورعاۋ ماقساتىندا قىلمىستىق كودەكسكە تۇزەتۋلەر ەنگىزۋگە باستاماشى بولدى. جاقىن ارادا ءبىز مەديتسينا قىزمەتكەرلەرىن قورعاۋدى زاڭ جۇزىندە كۇشەيتەمىز», – دەدى ەرلان قوشانوۆ.
كەزدەسۋگە قاتىسۋشىلار پرەزيدەنت جولداۋى مەن ونىڭ سايلاۋالدى باعدارلاماسىن، سونداي-اق «AMANAT» پارتياسىنىڭ سايلاۋالدى باعدارلاماسىن جۇزەگە اسىرۋ قورىتىندىسى بويىنشا مەديتسينا قىزمەتكەرلەرىن قولداۋ جانە جالپى دەنساۋلىق ساقتاۋ سالاسىن دامىتۋ بويىنشا بۇرىن-سوڭدى بولماعان وڭ شارالار قولعا الىنىپ جاتقانىنا نازار اۋداردى.
«مەملەكەت باسشىسىنىڭ تاپسىرماسى بويىنشا 2020-2023 جىلدار ارالىعىندا مەديتسينا قىزمەتكەرلەرىنىڭ جالاقىسى كەزەڭ-كەزەڭىمەن ءوستى. ماسەلەن، دارىگەرلەردىڭەڭبەكاقىسى 3 ەسەدەن استام جوعارىلاسا, ورتا مەديتسينا قىزمەتكەرلەرىنءىڭ جالاقىسى 2 ەسەدەن استام ءوستى. بۇل دەگەنىمىز – 270 مىڭنان استام وتانداسىمىز بەن ولاردىڭ وتباسى مۇشەلەرى», – دەدى دەنساۋلىق ساقتاۋ ءمينيسترى اقمارال ءالنازاروۆا.
اۋىلداعى دارىگەر تاپشىلىعى ماسەلەسىنشەشۋ ءۇشىن اۋىلدىق جەرگە كوشىپ بارعانماماندارعا 100 اەك مولشەرىندە كوتەرمە جاردەماقى تولەنەدءى. دەنساۋلىق ساقتاۋ ماسەلەلەرى جونىندەگى زاڭعا ەنگىزىلگەن بۇل نورما «AMANAT» پارتياسىنىڭ سايلاۋالدى باعدارلاماسىندا كوزدەلگەن.
«ەڭبەگىم باعالاناتىن ءارى سۇرانىسقا يە بولاتىن جۇمىس ورنىن ىزدەدىم. اۋىلدىق جەردە ءاردايىم دارىگەر كەرەك. وسىندا كومەگىم شىنىمەن قاجەت ەكەنىن سەزءىندءىم. كوتەرمە جاردەماقى الىپ, باسپاناعا دا قول جەتكىزدىم. بىراق مەن ءۇشىن ەڭ قۇندى دۇنيە – جەرگىلىكتى تۇرعىنداردىڭ ىستىق ىقىلاسى, ولاردىڭ جانعا جايلى ورتاسى مەن كورسەتىپ جاتقان قولداۋى», – دەدى پاۆلودار وبلىسى پريرتىشسك اۋىلىنداعى جالپى تاجىريبە ءدارىگەرى زاكير باراتوۆ.
ءوز كەزەگىندە، «ءومىر تىنىسى» ترانسپلانتاتسيا جاسالعان ادامداردى وڭالتۋ بىرلەستىگىنىڭ توراعاسى جانىبەك وسپانوۆ دونور ماسەلەسىنە توقتالدى. ونىڭ وزىنە دە وسىدان 10 جىلدان استام ۋاقىت بۇرىن جۇرەك ترانسپلانتاتسياسى جاسالدى.
«دونور بولۋ – ويلانىپ، تولعانىپ بارىپ جاسالاتىن ماڭىزدى قادام ەكەنىن تۇسىنگەن ءجون. ماسەلەن، مەن ومىردەن وزعان سوڭ قانداي دا ءبىر اعزام وزگە ادامنىڭ ءومىرءىن جالعاپ، ول ەكى-ءۇش بالالى بولسا – ءومىر جالعاسى دەگەنىڭىز وسى ەمەس پە؟ ءار ادام دونورلىققا قاتىستى كوزقاراستى ءتۇسىنۋءى كەرەك», – دەدى ول.
«دارىگەر Talks» قاتىسۋشىلارى دەنساۋلىق ساقتاۋ سالاسىنا جانە الەۋمەتتىك سالاعا قاتىستى بىرقاتار باستاما كوتەردى. ءىس-شارا بارىسىندا الماتى وبلىسى ۇزىناعاش اۋىلىنىڭ دارىگەر-رەابيليتولوگى اسەل ساۋرىقوۆا, تۇركىستان قالاسىنىڭ دارىگەر-تەراپەۆتى كاماگۇل مۇساقوجاەۆا, قوستاناي وبلىسىنىڭ باس بالالار حيرۋرگى يگور بەلوبرجيتسكي, استانا قالاسىنىڭ لور-دارىگەرى مەدەت ماحانبەت, شىعىس قازاقستان وبلىسى اقجار اۋىلىنىڭ تراۆماتولوگ-ورتوپەد دارىگەرى، PhD دوكتورى ەلجان ماناربەكوۆ, كوكشەتاۋ قالاسىنىڭ فەلدشەرءى گۇلناز بوكەش, «University Medical Center» باسقارما توراعاسىنىڭ ورىنباسارى ماحاببات بەكبوسىنوۆا جانە وزگە دە ازاماتتار ءسوز سويلەدى. وتىرىس مودەراتورى – دارىگەر، تانىمال تەلەجۇرگىزۋشى اينۇر ءتاجينا.
كەزدەسۋ سوڭىندا «AMANAT» پارتياسىنىڭ توراعاسى ەرلان قوشانوۆ, دەنساۋلىق ساقتاۋ ءمينيسترى اقمارال ءالنازاروۆا جانە قازاقستان دەنساۋلىق ساقتاۋ مەنەدجەرلەرى قاۋىمداستىعى كەڭەسىنىڭ توراعاسى قۋانىش ەرعاليەۆ كاسىبي قىزمەتىندەگءى ەسەلى ەڭبەگى ءۇشىن بىرقاتار مەديتسينا قىزمەتكەرىن ماراپاتتادى.
سۋرەتتى تۇسىرگەن جاسلان جۇمابەكوۆ، ءالي عالىم
