Пәкістан тарапының бастамасымен өткен әңгімелесу барысында Президент Қасым-Жомарт Тоқаев пен премьер-министр Шахбаз Шариф бір-бірін Құрбан айт мейрамымен құттықтады. Бұл туралы Ақорданың баспасөз қызметі мәлім етті, деп хабарлайды “Адырна” ұлттық порталы.
Тараптар екіжақты қатынастардың перспективті бағыттарына айрықша мән берді.
«Мемлекет басшысы екі елдің көпжақты ынтымақтастығының қозғаушы күшіне айналып келе жатқан экономикалық кооперацияның әлеуеті зор екенін атап өтті. Бұдан бөлек, Қазақстан мен Пәкістанның халықаралық ұйымдар аясындағы ықпалдастығына қатысты мәселелер, соның ішінде алдағы уақытта Астанада өтетін ШЫҰ саммитінің күн тәртібі талқыланды», - делінген хабарламада.
