باسقارمادا اتاپ وتكەندەي، ءۇش اي ىشىندە كەيبىر كوپبالالى وتباسىلار وزدەرىنىڭ قارجىلىق جاعدايىن جاقسارتۋدىڭ ارقاسىندا ااك (اتاۋلى الەۋمەتتىك كومەك) باس تارتقان.
الماتىلىقتاردىڭ ءبىرىنىڭ ايتۋىنشا، ول جۇبايىمەن بىرگە كومەكتەن ەرىكتى تۇردە باس تارتۋدى شەشكەن، سەبەبى ونىڭ ءىسى ورگە باسىپ، وتباسىن مەملەكەتتىڭ كومەگىنسىز ءوز بەتىنشە قامتاماسىز ەتۋ مۇمكىندىگى پايدا بولعان.
.png)
وسىلايشا، ءۇش اي بويى 105 مىڭ تەڭگەدەن الىپ وتىرعان جۇپ بۇل اقشانى شىنىمەن مۇقتاج ادامدارعا جۇمساۋ جاقسى دەپ ويلاپتى.
ۆەدومستۆودا اتاپ وتكەندەي، وڭتۇستىك ەلوردادا كەيبىر قالالىقتار تاراپىنان اتاۋلى كومەكتى - ارتىق تولەۋ، ەكى ەسە تولەم، ناقتى تابىستاردى جاسىرۋ جانە ت. ب. زاڭسىز الۋ فاكتىلەرى انىقتالعان.
.png)
مىسالى، بوستاندىق اۋدانىندا ءبىر وتباسىنىڭ التى ادامى 3 دەڭگەيدە كوتتەدجدە تۇرادى، ولاردىڭ قىمبات جول تالعامايتىن كولىكتەرى بار. الايدا، ولار 45 مىڭ تەڭگە تابىس كورسەتكەندىكتەن مەملەكەت ولارعا 112 مىڭ تەڭگە تولەگەن.
.png)
ال مەدەۋ اۋدانىندا 18 ادامنان تۇراتىن وتباسى جەكە ۇيدە تۇرادى، ەكى اۆتوكولىك جانە جەكە ازىق-تۇلىك دۇكەنى بار. وتىنىمدە 309 مىڭ تەڭگە كىرىس كورسەتىلگەن، ياعني ءار ادامعا 17,1 مىڭ تەڭگەدەن كەلىپ تۇر. وسىلايشا، ولار 270 مىڭ تەڭگە كولەمىندە جاردەماقى الدى.
.png)
مۇنداي جاعدايلاردا تولەمدەردى توقتاتۋ، سونداي-اق ازاماتتار العان قاراجاتتى قايتارۋ جونىندە شارالار قابىلدانادى.
"ادىرنا" ۇلتتىق پورتالى
