21 myń járdemaqy alatyndardyń záýlim úıi, 2 avtokóligi, azyq-túlik dúkeni bar!

3053
Adyrna.kz Telegram


 

 

 

 

 

 

 

 

 

 

 

 

Basqarmada atap ótkendeı, úsh aı ishinde keıbir kópbalaly otbasylar ózderiniń qarjylyq jaǵdaıyn jaqsartýdyń arqasynda AÁK (ataýly áleýmettik kómek) bas tartqan.

Almatylyqtardyń biriniń aıtýynsha, ol jubaıymen birge kómekten erikti túrde bas tartýdy sheshken, sebebi onyń isi órge basyp, otbasyn memlekettiń kómeginsiz óz betinshe qamtamasyz etý múmkindigi paıda bolǵan.

Osylaısha, úsh aı boıy 105 myń teńgeden alyp otyrǵan jup bul aqshany shynymen muqtaj adamdarǵa jumsaý jaqsy dep oılapty.

Vedomstvoda atap ótkendeı, ońtústik elordada keıbir qalalyqtar tarapynan ataýly kómekti - artyq tóleý, eki ese tólem, naqty tabystardy jasyrý jáne t. b. zańsyz alý faktileri anyqtalǵan.

Mysaly, Bostandyq aýdanynda bir otbasynyń alty adamy 3 deńgeıde kottedjde turady, olardyń qymbat jol talǵamaıtyn kólikteri bar. Alaıda, olar 45 myń teńge tabys kórsetkendikten memleket olarǵa 112 myń teńge tólegen.

Al Medeý aýdanynda 18 adamnan turatyn otbasy jeke úıde turady, eki avtokólik jáne jeke azyq-túlik dúkeni bar. Ótinimde 309 myń teńge kiris kórsetilgen, ıaǵnı ár adamǵa 17,1 myń teńgeden kelip tur. Osylaısha, olar 270 myń teńge kóleminde járdemaqy aldy.

Mundaı jaǵdaılarda tólemderdi toqtatý, sondaı-aq azamattar alǵan qarajatty qaıtarý jóninde sharalar qabyldanady.

"Adyrna" ulttyq portaly

Pikirler