كوكشەتاۋ قالاسىندا 236 جاس اقمولالىق «التىن بەلگى» يەگەرى قۇرمەتكە يە بولدى. ايرىقشا بەلگىدەن باسقا ولارعا سالتاناتتى تۇردە 100 000 تەڭگە سوماسىنا اقشالاي سەرتيفيكاتتار تابىس ەتىلدى.
وبلىس اكىمى مارات احمەتجانوۆ تۇلەكتەردى جەتىستىكتەرىمەن قۇتتىقتاپ، بۇگىنگى تۇلەكتەر – قازاقستاننىڭ باستى بايلىعى مەن جارقىن بولاشاعى ەكەنىن اتاپ ءوتتى.
«مەملەكەت باسشىسى قاسىم-جومارت توقاەۆ «اعا بۋىن جاس ۇرپاققا جول نۇسقاپ، باعىت-باعدار بەرۋى كەرەك. ەلىمىزدە كوزى اشىق، كوكىرەگى وياۋ، ويى ۇشقىر، ءبىلىمدى جاستار كوپ. ءبىز ولاردىڭ بويىنا اسىل قاسيەتتەردى ءسىڭىرۋىمىز قاجەت». بۇگىنگى تاڭدا مەملەكەت ءوزىن-ءوزى جۇزەگە اسىرۋ ءۇشىن جانە ارقايسىڭىز الدىڭىزعا قويىلعان ماقساتقا جەتىپ، ءوز الەۋەتىڭىزدى تولىق اشۋىڭىز ءۇشىن بارلىق جاعدايلاردى جاسادى. ءوز كۇش-جىگەرىڭىزدىڭ ارقاسىندا سىزدەر تابىسقا جەتۋ جولىندا العاشقى قادام جاسادىڭىزدار، باعا جەتپەس كاپيتالعا يە بولدىڭىزدار – بۇل ءومىر بويى تىرەك بولاتىن ءبىلىم مەن داعدىلار ", - دەدى م.احمەتجانوۆ.
اباي اتىنداعى №3 دارىندى بالالارعا ارنالعان وبلىستىق مامانداندىرىلعان مەكتەپ-ينتەرناتىنىڭ تۇلەگى ءامىر داۋلەتباەۆ تۇلەكتەردىڭ اتىنان جاۋاپ ءسوز سويلەدى.
«ءبىز تۇلەكتەر ەڭ الدىمەن اتا-انالارىمىز بەن پەداگوگتارىمىزعا بەرگەن بىلىمدەرى ءۇشىن العىس ايتامىز. بولاشاقتا ءبىز سىزدەردىڭ سەنىمىدەرڭىزدى اقتاۋ ءۇشىن بار كۇشىمىزدى سالامىز جانە وتانىمىزدىڭ دامۋىنا ءوز ۇلەسىمىزدى قوسامىز»، - دەدى «التىن بەلگى» يەگەرى.
ايتا كەتەيىك، بيىل ورتا مەكتەپتى 11-سىنىپتىڭ 5000-عا جۋىق تۇلەگى اياقتادى، ونىڭ ىشىندە 236-سى «التىن بەلگى» يەگەرى جانە 347-ءسى جالپى ورتا ءبىلىم تۋرالى ۇزدىك اتتەستات يەگەرى اتاندى.
ءىس-شارا وبلىستىڭ وقۋ ورىندارىنىڭ شىعارماشىلىق ماماندىقتارى ستۋدەنتتەرىنىڭ مۋزىكالىق نومىرلەرىمەن جالعاستى.
