اتىراۋداعى بازارلاردىڭ بىرىندە ەكى ەر ادام اراسىندا تۋىنداعان جانجال سەبەبى اتالدى، دەپ حابارلايدى “ادىرنا” ۇلتتىق پورتالى.
ماۋسىمنىڭ 11-ءى كۇنى الەۋمەتتىك جەلىدە اتىراۋداعى بازارلاردىڭ بىرىندەگى بەينەباقىلاۋ كامەراسىنا ەر ادامدار اراسىنداعى جانجالدى تۇسىرگەن ۆيدەو تارادى.
كەيىننەن ساقالدى جىگىتتىڭ زەينەتكەردى سوققىعا جىعىپ، ولتىرگەنى ايتىلدى. سوڭعى دەرەكتەرگە سۇيەنسەك، جانجال كولىك قاقتىعىسى سالدارىنان تۋىنداعان. مەرسەدەس اۆتوكولىگىنىڭ يەسى گازەل يەسىن كولىگىن سىرىپ كەتكەنى ءۇشىن سوققىعا جىققان.
«كۇدىكتى ۋاقىتشا ۇستاۋ يزولياتورىنا قامالدى. جابىرلەنۋشى العان جاراقاتىنان اۋرۋحانادا كوز جۇمدى»، – دەپ ءتۇسىندىردى پوليتسيا دەپارتامەنتىنىڭ ءباسپاسوز حاتشىسى مەيىرىم ەرداۋلەت.
