وبلىس اكىمىنىڭ باستاماسى بويىنشا بيزنەستىڭ الەۋمەتتىك جاۋاپكەرشىلىگى اياسىندا كوكشەتاۋدا كەنەسارى كوشەسىنەن قان ورتالىعى بۇرىلىسىنا دەيىن قوپا كولى جاعالاۋىندا اۆتوجول قۇرىلىسى باستالدى.
ەلەۋلى جوبانى جۇزەگە اسىرۋ كولىك ينفراقۇرىلىمىنىڭ دامۋىنا اسەر ەتىپ، نەگىزگى كوشەلەردەگى كولىك اعىنىن جەڭىلدەتەدى جانە جالپى قالانى كوركەيتەدى.
كومپانيا جول سالۋمەن قاتار اباتتاندىرۋ، جارىقتاندىرۋ، ۆەلوجول، سۋ بۇرۋ ارنالارى مەن كوگالداندىرۋ جۇمىستارىن دا جۇرگىزەدى.
قازىرگى كەزدە ارنايى تەحنيكا – ەكسكاۆاتورلار، بۋلدوزەر، جۇك تيەگىش جانە ساموسۆالدار الاڭدى تازالاپ جاتىر، 60 ادام جۇمىلدىرىلعان. جىل سوڭىنا دەيىن ازاماتتاردىڭ دەمالىسى ءۇشىن جاڭا ورىن پايدا بولادى. جازدا بەلسەندى سپورتپەن جانە بالىق اۋلاۋمەن اينالىسۋعا بولادى، ال قىستا كونكي تەبۋگە بولادى.
جۇمىستىڭ باستالۋىمەن وبلىس اكىمى مارات احمەتجانوۆ تانىستى. «التىنتاۋ كوكشەتاۋ» اق باس ديرەكتورى يگور كوگايدىڭ ايتۋىنشا، جۇمىس توقتاۋسىز، ارنايى كەستە بويىنشا جۇرگىزىلمەك. كوكشەتاۋ قالاسىنىڭ اكىمدىگىمەن ينجەنەرلىك جەلىلەردى الىپ تاستاۋ بويىنشا كەڭەستەر ءوتتى. اياقتاۋدىڭ بولجامدى مەرزىمى – قاراشا ايىنىڭ ورتاسى.
«جۇمىس ءبىر ساتكە دە توقتاپ قالماۋى كەرەك. سونداي-اق حالىقپەن تۇجىرىمدامانىڭ قوعامدىق تىڭداۋىن وتكىزۋ قاجەت. ەڭ الدىمەن، بۇل ادامدار ءۇشىن بولۋى كەرەك. ولاردىڭ ىڭعايلىلىعى مەن جايلىلىعى ءۇشىن»، – دەدى ايماق باسشىسى.
ايتا كەتسەك، «كازتسينك» جشس-مەن جاسالعان كەلىسىم-شارت بويىنشا مەردىگەر «ابك-اۆتودور نس» جشس (BI Group بولىمشەسى) بولىپ تابىلادى.
