E-Petition.kz پورتالىنداعى لگبت ناسيحاتىنا قارسى پەتيتسيا 50 مىڭ قول جينادى. بۇل تۋرالى مادەنيەت جانە اقپارات مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
سايتتا جاريالانعان ء"بىز قازاقستان رەسپۋبليكاسىنداعى اشىق جانە جاسىرىن لگبت ناسيحاتىنا قارسىمىز" پەتيتسياسىنا 50 مىڭ قول جينالدى. ەندى بۇل ءوتىنىش ۇكىمەتتە قارالادى.
"مادەنيەت جانە اقپارات مينيسترلىگى ءوتىنىشتى قابىلدادى.ءوتىنىش تىركەلگەن كۇننەن باستاپ 40 جۇمىس كۇنىنە دەيىن قارالادى. مينيسترلىك مۇددەلى تاراپتاردىڭ، مەملەكەتتىك ورگانداردىڭ جانە قوعامدىق بىرلەستىكتەردىڭ وكىلدەرىن قامتيتىن جۇمىس توبىنىڭ قىزمەتىن ۇيىمداستىرادى", – دەپ حابارلادى مادەنيەت مينيسترلىگىنىڭ ءباسپاسوز قىزمەتى.
ولار ءوتىنىشتى قاراۋ پروتسەسى زاڭ تالاپتارىنا ساي وتەتىنىن اتاپ ءوتتى.
ايتا كەتەيىك، بۇعان دەيىن دەپۋتاتتار جۋرناليستەرگە لگبت تۋرالى جازۋعا تىيىم سالۋدى ۇسىنعان ەدى.
