ورال قالاسىندا اناسى ءوز قىزىن سوتقا بەردى، دەپ حابارلايدى "ادىرنا" ءتىلشىسى.
قىزى مەن اناسى ءبىر-بىرىمەن جانجالداسقان. وقيعا بارىسىندا ەكەۋى دە ۇيدە بولعانى ايتىلدى.
قىز بالا داۋلاسقاندا ءوز اناسىنا قۇرمەتسىزدىك تانىتىپ، وعان قارسى قورلايتىن بالاعات سوزدەر ايتقان. ال اناسى قۇزىرلى مەكەمەگە قىزىنىڭ ۇستىنەن ارىز جازىپ جىبەرگەن. كەيىن سوتتالۋشى ءوز كىناسىن مويىنداپ، سوتتان اناسىمەن تاتۋلاسۋىنا بايلانىستى ءىستى توقتاتۋدى سۇرادى.
“جابىرلەنۋشى حاتتامادا ايتىلعانداردى راستادى. ونى پوليتسەيلەر ارىزداع نەگىزدەن قارادى. ايەل قىزىن كەشىرىپ، ودان ەندى مۇنداي وقيعالاردىڭ قايتالانبايتىنىنا ۋادە العان”، – دەلىنگەن حابارلامادا.
ولار تاتۋلاسقاندىقتان سوت تاراپتار اراسىنداعى بەيبىت كەلىسىمدى ماقۇلدادى. ءىس جابىلىپ، اناسىن قورلاعان قىزى جاۋاپكەرشىلىكتەن بوساتىلدى. قاۋلى زاڭدى كۇشىنە ەندى.
