ورال قالاسىندا پوليتسيا ءبولىمى باسشىسىنىڭ ورىنباسارى قاراماعىنداعى قىزمەتكەرىن پىشاقتاپ، كۇدىككە ىلىنگەنى تۋرالى اقپارات تارادى، دەپ حابارلايدى "ادىرنا" ۇلتتىق پورتالى Politico-عا سىلتەپ.
وقيعاعا بايلانىستى قىلمىستىق ءىس تىركەلىپ، كۇدىكتى ۋاقىتشا ۇستاۋ يزولياتورىنا قامالدى.
باسىلىمنىڭ دەرەگىنشە، اباي پوليتسيا ءبولىمىنىڭ قىزمەتكەرى دامير يسليامعاليەۆ قاراماعىنداعى پوليتسەيمەن بىرگە ىشىمدىك ءىشىپ وتىرعان كەزدە وعان پىشاق جاراقاتىن سالعان دەگەن كۇدىككە ىلىنگەن.
وقيعادان كەيىن جاراقات العان قىزمەتكەر اۋرۋحاناعا جەتكىزىلگەن. ال كۇدىكتى ۇستالىپ، ۋاقىتشا ۇستاۋ يزولياتورىنا قامالعان.
باتىس قازاقستان وبلىسى پوليتسيا دەپارتامەنتىنىڭ وزىندىك قاۋىپسىزدىك باسقارماسى اتالعان دەرەك بويىنشا قىلمىستىق ءىس تىركەگەن. باسىلىمنىڭ جازۋىنشا، زارداپ شەككەن پوليتسەي ارىپتەسىنە ەشقانداي شاعىمى جوق ەكەنىن ايتىپ، تەرگەۋ بارىسىندا جاراقاتتى ابايسىزدا ءوزى العانىن ايتقان.
قازىر وقيعانىڭ ءمان-جايى انىقتالىپ جاتىر.
