6 ماۋسىمدا شاحتينسك سوتى لەنين اتىنداعى شاحتادا قازا تاپقان كەنشىلەر ءىسى بويىنشا ۇكىم شىعاردى، دەپ حابارلايدى «ادىرنا» ءتىلشىسى.
كاسىپورىن باسشىلارى ءوندىرىس كەزىندە ەكى نەمەسە ودان دا كوپ ادامنىڭ ابايسىزدا ولىمىنە اكەپ سوقتىراتىنداي قاۋىپسىزدىك ەرەجەلەرىن بۇزدى دەپ ايىپتالدى.
«سوت سوتتالۋشىلاردى قىلمىستىق كودەكستىڭ 277-بابى 3-بولىگى بويىنشا كىنالى دەپ تانىپ، جەلدەتۋ جانە قاۋىپسىزدىك ءبولىمىنىڭ باسشىسى 5 جىلعا، جەلدەتۋ، قاۋىپسىزدىك جانە بولجاۋ قىزمەتى ءبولىمى باستىعىنىڭ كومەكشىسىن، سونداي-اق اۋىسىم باستىعى 4 جىل 6 ايعا باس بوستاندىعىنان ايىرىلدى. قاۋىپسىزدىك تەحنيكاسى ۋچاسكەسىن جەلدەتۋ باستىعىنىڭ كومەكشىسى 4 جىلعا باس بوستاندىعىنان ايىرىلدى»،- دەپ ۇكىمدى جاريالادى سۋديا.
ەستەرىڭىزگە سالا كەتەيىك، 2022 جىلى لەنين اتىنداعى شاحتادا مەتان گازى تاراعان ەدى. سالدارىنان 5 كەنشى قازا تاۋىپ، تورتەۋى جاراقات الدى. سوتتا قاۋىپسىزدىك ەرەجەلەرىنىڭ بۇزىلعانى جانە جاۋاپتىلاردىڭ مەتان مولشەرىنىڭ ارتىق ەكەنىن بىلە تۇرا، كەنشىلەردى شاحتاعا جىبەرگەنى دالەلدەندى.
