6 maýsymda Shahtınsk soty Lenın atyndaǵy shahtada qaza tapqan kenshiler isi boıynsha úkim shyǵardy, dep habarlaıdy «Adyrna» tilshisi.
Kásiporyn basshylary óndiris kezinde eki nemese odan da kóp adamnyń abaısyzda ólimine ákep soqtyratyndaı qaýipsizdik erejelerin buzdy dep aıyptaldy.
«Sot sottalýshylardy Qylmystyq kodekstiń 277-baby 3-bóligi boıynsha kináli dep tanyp, jeldetý jáne qaýipsizdik bóliminiń basshysy 5 jylǵa, jeldetý, qaýipsizdik jáne boljaý qyzmeti bólimi bastyǵynyń kómekshisin, sondaı-aq aýysym bastyǵy 4 jyl 6 aıǵa bas bostandyǵynan aıyryldy. Qaýipsizdik tehnıkasy ýchaskesin jeldetý bastyǵynyń kómekshisi 4 jylǵa bas bostandyǵynan aıyryldy»,- dep úkimdi jarııalady sýdıa.
Esterińizge sala keteıik, 2022 jyly Lenın atyndaǵy shahtada metan gazy taraǵan edi. Saldarynan 5 kenshi qaza taýyp, tórteýi jaraqat aldy. Sotta qaýipsizdik erejeleriniń buzylǵany jáne jaýaptylardyń metan mólsheriniń artyq ekenin bile tura, kenshilerdi shahtaǵa jibergeni dáleldendi.
