اقمولا وبلىستىق ءماسليحاتىنىڭ دەپۋتاتى ايدىن تورەباەۆ ساندىقتاۋ اۋدانىندا بولىپ، پەتروۆكا اۋىلىندا 80 ورىندىق مەكتەپ قۇرىلىسىنا مونيتورينگ جۇرگىزدى.
نىسان «AMANAT» پارتياسىنىڭ سايلاۋالدى باعدارلاماسىن ورىنداۋ بويىنشا جول كارتاسى اياسىندا سالىنۋدا. ايدىن بەرتىسبايۇلى بۇل نىسانعا كۋراتور رەتىندە پارتيا جەلىسى بويىنشا تاعايىندالدى.
مەكتەپتىڭ قۇرىلىسى 2021 جىلى وبلىستىق بيۋدجەتتەن 15,3 ملن تەڭگە بولىنگەن كەزدە باستالدى. 2022 جىلى 79,1 ملن ءبولىندى، 2023 جىلى – 577 ملن. شارت بويىنشا جوبانىڭ جالپى قۇنى – 776,4 ملن تەڭگە. نىساندى «ەرقانات-سەرۆيس» مەردىگەرلىك كومپانياسى سالىپ جاتىر. مەكتەپتى اعىمداعى جىلى پايدالانۋعا بەرۋ كەرەك. ساندىقتاۋ اۋدانىنىڭ ءبىلىم ءبولىمىنىڭ مالىمەتىنشە، بۇگىندە نىساندا 33 ادام ەڭبەك ەتۋدە.
دەپۋتاتتىڭ ايتۋىنشا، پەتروۆكاداعى مەكتەپتەگى جاعداي ۇلكەن الاڭداۋشىلىق تۋعىزىپ وتىر.
«مەنىڭ پەتروۆكاعا ساپارىمنان كەيىن ەكى اپتا جاڭبىر جاۋدى، سوندىقتان العا جىلجۋ جوق. اباتتاندىرۋ بويىنشا كوپ نارسە جاسالماعان. تەك قورشاۋلاردىڭ ىرگەتاسىن تولتىرا باستادى. قۇبىرلاردى توسەۋ كەزىندە دە پروبلەمالار بار، ويتكەنى سمەتادا جاسزىلعان تەمىر قۇبىرلاردىڭ ورنىنا پلاستيكتەن جاسالعان كۇبىل سالىنۋدا. ال مەردىگەر كومپانيادا قۇبىرلاردى ءبىر-بىرىنە جالعاۋعا ارنالعان جابدىق جوق. نىساندا جۇمىسكرەلەردىڭ سانى دا ءالى دە از، بۇعان دەيىن مەن قۇرىلىسشىلار سانىن كوبەيتۋدى ۇسىنعان بولاتىنمىن. ءبىر بريگادا جۇمىستىڭ بارلىق تۇرلەرىن – ارلەۋ دە، اباتتاندىرۋدى دا، شاتىردى جابۋدى دا وزدەرى ورىنداۋدا. ياعني، تولىعىمەن جان-جاقتى جۇمىس جۇرگىزىلمەيدى.
سوندىقتان ۋاقىت كەستەسى ۇنەمى وزگەرىپ وتىرادى. سىنىپتارعا ارنالعان جابدىقتار ءالى ساتىپ الىنعان جوق، ال مەنىڭ ويىمشا، ونى ساتىپ الىپ دايىنداپ قويۋ كاجەت. ينەرتتى ماتەريالدار تۋرالى كەيبىر سۇراقتار بار، بۇگىنگى كۇنگە دەيىن اباتتاندىرۋ ماتەريالدارى دا جوق. بىراق ساندىقتاۋ اۋدانىنىڭ اكىمدىگى بۇل ماسەلەگە جاردەمدەسىپ، قازىرگى ۋاقىتتا مەكتەپتى تەزىرەك اياقتاۋعا كومەكتەسۋدە. وسىعان بايلانىستى جەرگىلىكتى اتقارۋشى ورگاندارعا شاعىمدار جوق. بىراق وبلىستىق قۇرىلىس باسقارماسىنا سۇراقتار بار، ويتكەنى ولار كۇندەلىكتى باقىلاۋدى جۇرگىزۋى كەرەك، ءبىر ادام ۇنەمى سول جەردە، وبەكتىدە بولۋى كەرەك.
سونىمەن قاتار، مەردىگەردىڭ جوباعا قاتىستى كەيبىر سۇراقتارى بار، ولار تاپسىرىس بەرۋشىمەن كەيبىر ماتەريالداردى اۋىستىرۋ ساتتەرىن كەلىسۋدە. جۇمىستى اياقتاۋ مەرزىمى قىسقا، ال جاعداي بۇگىنگى كۇندە وسىنداي»، – دەپ ءبولىستى دەپۋتات ايدىن تورەباەۆ. ماسەلە ونىڭ كۇندەلىكتى باقىلاۋىندا.
