2019 جىلدىڭ سوڭىنا دەيىن قاتتى ىستىقتان مىڭداعان ادام قايتىس بولۋى مۇمكىن.
ەۋروپالىق عالىمدار مەن مەتەورولوگتار وسىندا بولجام جاسادى. مامانداردىڭ سوزىنشە، گرەنلانديا ماڭىنداعى جانە ورتالىق ەۋروپا ۇستىندەگى قىسىمنىڭ جوعارىلىعى اپتاپ ىستىققا سەبەپ بولىپ وتىر. ولار اۋانى سالقىنداتاتىن تسيكلونداردى بوگەپ، يسپانيالىق جانە افريكالىق شولدەردەن ىستىق ماسسالاردى وتكىزەدى. ناتيجەسىندە ىستىق اۋا پايدا بولىپ، كۇن قاتتى ىسىپ، نايزاعاي وينايدى. پوتسدام ۋنيۆەرسيتەتىنىڭ كليماتولوگى ستەفان رامستورفتىڭ سوزىنشە، اۋا تەمپەراتۋراسىنىڭ كوتەرىلۋى «ءۇنسىز جانالعىش» بولىپ تابىلادى. عالىم 2003 جىلى اپتاپ ىستىق سالدارىنان 70 مىڭ ەۋروپالىقتىڭ، ال وتكەن جىلدىڭ جازىندا گەرمانيادا كەمىندە مىڭ ادامنىڭ قايتىس بولعانىن ەسكە سالدى. كۇننىڭ قاتتى ىسۋى ەۋروپانىڭ باتىس جانە ورتالىق بولىكتەرىندە بايقالاتىن بولادى. يسپانيا، فرانتسيانىڭ كەي اۋداندارىندا بىرنەشە كۇن بويى اۋا تەمپەراتۋراسى 40 گرادۋستان جوعارى بولۋى مۇمكىن. يسپانيالىق مەتەورولوگ سيلۆيا لاپلانا الداعى اۋا رايىن «توزاققا» تەڭەدى. مادريدتە اۋا تەمپەراتۋراسى 40,6 گرادۋسقا جەتەدى دەگەن بولجام بار.
ال قازاقستاندا NOAA مۇحيت جانە اتموسفەرالىق زەرتتەۋلەر ۇلتتىق باسقارماسى بيىلعى جازدى 140 جىلدان بەرگى ەڭ ىستىق جاز دەپ اتاپ، تەمپەراتۋرالىق رەكورد جاسالعانىن مالىمدەدى.
"ادىرنا" ۇلتتىق پورتالى
