2019 jyldyń sońyna deıin qatty ystyqtan myńdaǵan adam qaıtys bolýy múmkin.
Eýropalyq ǵalymdar men meteorologtar osynda boljam jasady. Mamandardyń sózinshe, Grenlandııa mańyndaǵy jáne Ortalyq Eýropa ústindegi qysymnyń joǵarylyǵy aptap ystyqqa sebep bolyp otyr. Olar aýany salqyndatatyn ıklondardy bógep, ıspanııalyq jáne afrıkalyq shólderden ystyq massalardy ótkizedi. Nátıjesinde ystyq aýa paıda bolyp, kún qatty ysyp, naızaǵaı oınaıdy. Potsdam ýnıversıtetiniń klımatology Stefan Ramstorftyń sózinshe, aýa temperatýrasynyń kóterilýi «únsiz janalǵysh» bolyp tabylady. Ǵalym 2003 jyly aptap ystyq saldarynan 70 myń eýropalyqtyń, al ótken jyldyń jazynda Germanııada keminde myń adamnyń qaıtys bolǵanyn eske saldy. Kúnniń qatty ysýy Eýropanyń batys jáne ortalyq bólikterinde baıqalatyn bolady. Ispanııa, Franııanyń keı aýdandarynda birneshe kún boıy aýa temperatýrasy 40 gradýstan joǵary bolýy múmkin. Ispanııalyq meteorolog Sılvııa Laplana aldaǵy aýa raıyn «tozaqqa» teńedi. Madrıdte aýa temperatýrasy 40,6 gradýsqa jetedi degen boljam bar.
Al Qazaqstanda NOAA muhıt jáne atmosferalyq zertteýler Ulttyq basqarmasy bıylǵy jazdy 140 jyldan bergi eń ystyq jaz dep atap, temperatýralyq rekord jasalǵanyn málimdedi.
"Adyrna" ulttyq portaly
