قازاقستان پرەزيدەنتى قاسىم-جومارت توقاەۆ قازاقستان حالقىن حالىقارالىق بالالاردى قورعاۋ كۇنىمەن قۇتتىقتادى، دەپ حابارلايدى “ادىرنا” ۇلتتىق پورتالى اقوردانىڭ ءباسپاسوز قىزمەتىنە سىلتەپ.
“بارشاڭىزدى حالىقارالىق بالالاردى قورعاۋ كۇنىمەن قۇتتىقتايمىن! جارقىن جاز وسكەلەڭ ۇرپاققا قامقورلىقتىڭ سيمۆولىنا اينالعان وسى مەرەكەدەن باستالادى. ۇل-قىزدارىمىزدىڭ پاراساتتى جانە جان-جاقتى بولىپ وسۋىنە جاعداي جاساۋ، جاس ازاماتتاردىڭ قۇقىعىن قورعاپ، دەنساۋلىعىن ساقتاۋ ءاردايىم مەملەكەتتىڭ باستى باسىمدىعى سانالادى. بالالار – ءبىزدىڭ بولاشاعىمىز. سوندىقتان ەلىمىزدەگى ءاربىر جەتكىنشەكتىڭ مەيىرىم مەن قامقورلىققا بولەنىپ، ۇلكەننىڭ قولداۋىن سەزىنۋى، ەرتەڭگى كۇنگە سەنىممەن قاراۋى وتە ماڭىزدى” دەلىنگەن پرەزيدەنت قۇتتىقتاۋىندا.
سونداي-اق، مەملەكەت باسشىسى وسكەلەڭ ۇرپاققا زور ۇمىتپەن سەنەتىنىن جەتكىزدى:
”مەن جاس ۇرپاق ادىلەتتى قازاقستاننىڭ نەگىزگى قاعيداتتارىن ناقتى جۇزەگە اسىرىپ، «ادال ازامات» تۇجىرىمداماسىنىڭ وزىق يدەالدارىنا تولىق ساي بولادى دەپ سەنەمىن. ول ءۇشىن ءبىز بۇكىل قوعام بولىپ جالپىۇلتتىق قۇندىلىقتارىمىزدى ۇرپاقتىڭ بويىنا ءسىڭىرۋىمىز جانە ولاردى ەڭبەكقورلىق پەن بىلىمپازدىققا باۋلۋىمىز كەرەك. سونداي-اق ءتول تاريحىمىز بەن مادەنيەتىمىزدى قۇرمەتتەۋگە ۇيرەتۋىمىز قاجەت. بارلىق بالا اتا-اناسى مەن جاقىندارىن وقۋداعى، شىعارماشىلىق سالاداعى جانە سپورتتاعى جەتىستىكتەرىمەن، جاقسىلىق پەن جاسامپازدىققا ۇمتىلىسىمەن قۋانتا بەرسىن. بارشاڭىزعا زور دەنساۋلىق، باق-بەرەكە، تولايىم تابىس تىلەيمىن!” دەلىنگەن حابارلامادا.
