الماتىدا تەرروريزمدى ناسيحاتتادى دەگەن كۇدىكپەن ەكى شەتەلدىك ازامات ۇستالدى، دەپ حابارلايدى “ادىرنا” ۇلتتىق پورتالى ۇلتتىق قاۋىپسىزدىك كوميتەتىنىڭ (ۇقك) ءباسپاسوز قىزمەتىنە سىلتەپ.
«28 مامىردا ۇقك پروكۋراتۋرانىڭ كەلىسۋىمەن جانە پوليتسيانىڭ كومەگىمەن الماتىدا تەرروريزمدى ناسيحاتتادى دەگەن كۇدىكپەن ەكى شەتەلدىك ازامات ۇستالدى. تەرگەۋ مالىمەتتەرى بويىنشا، ولار بۇرىن شەتەلدە ۇزاق ۋاقىت تۇرىپ، سول جاقتا راديكالدى ءدىني يدەولوگيامەن اينالىسقان. ولار قازاقستانعا بيىل كەلگەن جانە تۇراقتى جۇمىسى بولماعان»، - دەلىنگەن سارسەنبى كۇنى تاراتقان حابارلامادا.
ۇلتتىق قاۋىپسىزدىك كوميتەتىنىڭ مالىمەتىنشە، قر قىلمىستىق كودەكسىنىڭ 256-بابىنىڭ 2-بولىگى (تەرروريزمدى ناسيحاتتاۋ نەمەسە تەرروريزم اكتىسىن جاساۋعا جاريا شاقىرۋ) بويىنشا سوتقا دەيىنگى تەرگەۋ امالدارى جۇرگىزىلۋدە.
