توقاەۆ پرەزيدەنتتىڭ پارلامەنتتەگى وكىلدىگىنىڭ باسشىسىن تاعايىندادى  

1822

بۇل قىزمەتكە قازاقستاننىڭ ازەربايجانداعى بۇرىنعى توتەنشە جانە وكىلەتتى ەلشىسى كەلدى  

 قازاقستان پرەزيدەنتى قاسىم-جومارت توقاەۆ پرەزيدەنتتىڭ پارلامەنتتەگى وكىلدىگىنىڭ جاڭا باسشىسىن تاعايىنداۋ تۋرالى جارلىققا قول قويدى، دەپ حابارلادى اقوردانىڭ ءباسپاسوز قىزمەتى.

"مەملەكەت باسشىسىنىڭ جارلىعىمەن بەيبىت وكسىكبايۇلى يساباەۆ قازاقستان رەسپۋبليكاسى پرەزيدەنتىنىڭ قازاقستان رەسپۋبليكاسى پارلامەنتىندەگى وكىلدىگىنىڭ باسشىسى قىزمەتىنە تاعايىندالدى", - دەپ جازىلعان جارلىقتا.

ول قازاقستاننىڭ ازەربايجانداعى توتەنشە جانە وكىلەتتى ەلشىسى قىزمەتىنەن بوساتىلدى.

بۇعان دەيىن بۇل قىزمەتتى اتقارعان قايرات نۇرپەيىسوۆ باسقا جۇمىسقا اۋىستى.

 

بەيبىت يساباەۆتىڭ ءومىربايانى

1962 جىلى 4 جەلتوقساندا الماتى وبلىسىنداعى باقاناس اۋىلىندا دۇنيەگە كەلگەن.1985 جىلى س.م.كيروۆ اتىنداعى قازاق مەملەكەتتىك ۋنيۆەرسيتەتىن، 1999 جىلى قازاقستان ءسىم ديپلوماتيالىق اكادەمياسىن بىتىرگەن. ساياسي عىلىمدار دوكتورى عىلىمي دارەجەسىن العان.

1985-1994 جىلدارى باق-تا جۇمىس ىستەدى، "وركەن – گوريزونت" گازەتىنىڭ باس رەداكتورى، قازاق مەملەكەتتىك تەلەۆيزياسىنىڭ باس ديرەكتورى بولدى.

1994-1997 جىلدارى الماتى اكىمىنىڭ ورىنباسارى قىزمەتىن اتقاردى.

1997-1999 جىلدارى – ءسىم ديپلوماتيالىق اكادەمياسىنىڭ تىڭداۋشىسى.

2002 جىلى  قازاقستان رەسپۋبليكاسى اتىنان "ورتالىق ازيا ىنتىماقتاستىعى" ۇيىمىنىڭ قىزمەتىن ۇلتتىق ۇيلەستىرۋشى بولىپ تاعايىندالدى.

ءار جىلدارى قازاقستاننىڭ پاكىستان، تۇركيا، البانيا، ازەربايجان، قىرعىزستانداعى توتەنشە جانە وكىلەتتى ەلشىسى بولدى.

2008 جىلعى اقپان-تامىز ايلارىندا – قر مادەنيەت جانە اقپارات ۆيتسە-ءمينيسترى.

2008-2009 جىلدارى – قازاقستان پرەزيدەنتىنىڭ ءباسپاسوز حاتشىسى.

"پاراسات", "قۇرمەت","زا زاسلۋگي" (تمد) وردەندەرىمەن، قر قۇرمەت گراموتاسىمەن جانە كوپتەگەن مەدالمەن ماراپاتتالعان.

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket