اقمولا وبلىسى ىشكى ساياسات باسقارماسىنىڭ «قوعامدىق دامۋ ورتالىعى» كمم ۇيىمداستىرۋىمەن حالىق قاھارمانى، تاۋەلسىز قازاقستاننىڭ تۇڭعىش قورعانىس ءمينيسترى ساعادات نۇرماعامبەتوۆتىڭ 100 جىلدىق مەرەيتويىنا وراي «باتىرلاردىڭ داڭقى ماڭگىلىك» اتتى اسكەري – تانىمدىق ءىس – شاراسى ءوتتى.
جاستاردىڭ پاتريوتتىق ساناسىن وياتۋعا، تۇعىرلى تۇلعانىڭ جاۋىنگەرلىك جولىن وسكەلەڭ ۇرپاققا ناسيحاتتاۋعا باعىتتالعان يگى شاراعا اقمولا وبلىسى ىشكى ساياسات باسقارماسى باسشىسىنىڭ ورىنباسارى سابىرحان كەنجەباەۆ، «قر قورعانىس كۇشتەرى رقب اقمولا وبلىسى فيليالىنىڭ توراعاسى، زاپاستاعى پولكوۆنيك جانات ەرەجەپوۆ، «اۋعان سوعىسىنىڭ مۇگەدەكتەرى مەن ارداگەرلەرى»» قوعامدىق بىرلەستىگىنىڭ توراعاسى، قر قورعانىس مينيسترلىگىنىڭ جوعارى اسكەري-تەحنيكالىق مەكتەبىنىڭ ديرەكتورى، وبلىستىق ءماسليحات دەپۋتاتى دۋانباي ىبراي، قازاقستان رەسپۋبليكاسى ۇلتتىق گۆاردياسى 5510 اسكەري ءبولىمىنىڭ تاربيە جانە الەۋمەتتىك-قۇقىقتىق جۇمىس ءبولىمى باستىعىنىڭ كومەكشىسى، مايور دۋمان كارىباەۆ، قازاقستان رەسپۋبليكاسى قورعانىس مينيسترلىگى «اقمولا وبلىسىنىڭ قورعانىس ىستەرى جونىندەگى دەپارتامەنتى» رمم ارداگەرلەرمەن جۇمىس قىزمەتىنىڭ باستىعى، مايور ايدوس ابىلتاەۆ، قر تجم مالىك عابدۋللين اتىنداعى ازاماتتىق قورعاۋ اكادەمياسىنىڭ الەۋمەتتىك-گۋمانيتارلىق پاندەر، تىلدەر جانە پسيحولوگيالىق دايىندىق كافەدراسىنىڭ اعا وقىتۋشىسى، ازاماتتىق قورعاۋ كاپيتانى ارمان راحىم، زيالى قاۋىم وكىلدەرى مەن باق وكىلدەرى قاتىستى.
تاعىلىمدى شارا بارىسىندا جينالعاندارعا ساعادات نۇرماعامبەتوۆتىڭ ءومىربايانى تۋرالى قىسقامەتراجدى بەينەفيلم كورسەتىلدى. سونىمەن قاتار، قازاقستان رەسپۋبليكاسى توتەنشە جاعدايلار مينيسترلىگىنىڭ مالىك عابدۋللين اتىنداعى ازاماتتىق قورعاۋ اكادەمياسى مەن «قر قورعانىس مينيسترلىگى اسكەري-تەحنيكالىق مەكتەبى» رمقك ششۋچە فيليالىنىڭ كۋرسانتتارى ارنايى دايىنداعان «ەل قورعانى - جاس سارباز» تاقىرىبىنداعى بەينەروليكتەر ۇسىنىلدى.
سپيكەرلەر اقمولا وبلىسى ىشكى ساياسات باسقارماسىنىڭ اتىنان العىس حاتتارمەن ماراپتتالىپ، ءىس -شارا كونتسەرتتىك باعدارلامامەن اياقتالدى.
