ۇلتتىق قاۋىپسىزدىك كوميتەتى ەكى قازاقستاندىقتىڭ ۇلتتىق تەستىلەۋ ورتالىعىنىڭ دەرەكتەرىنە زاڭسىز قول سۇققانى ءۇشىن باس بوستاندىعىنان ايىرىلعانىن حابارلادى، - دەپ حابارلايدى “ادىرنا” ۇلتتىق پورتالى ۇلتتىق قاۋىپسىزدىك كوميتەتىنىڭ ءباسپاسوز قىزمەتىنە سىلتەمە جاساپ.
باتىس قازاقستان وبلىسىنىڭ ەكى تۇرعىنى قر عىلىم جانە جوعارى ءبىلىم مينيسترلىگىنىڭ ۇلتتىق تەستىلەۋ ورتالىعىنان 2021-2022 وقۋ جىلىندا زاڭمەن قورعالاتىن اقپاراتقا زاڭسىز كىرىپ، كوشىرىپ العان.
ءساۋىر ايىندا سوت شەشىمىمەن قازاقستاندىقتاردىڭ ارقايسىسى قىلمىستىق كودەكستىڭ 206, 250 جانە 198-باپتارىندا كوزدەلگەن قىلمىستاردى جاساعانى ءۇشىن 2 جىل 6 ايعا باس بوستاندىعىن شەكتەۋ جازاسىنا كەسىلگەن بولاتىن. سونداي-اق ولار 5 جىل مەرزىمگە كوممەرتسيالىق ۇيىمداردا باسشىلىق قىزمەت اتقارۋ قۇقىعىنان ايىرىلدى.
ۇكىم شىعارۋعا ۇلتتىق قاۋىپسىزدىك كوميتەتىنىڭ پروتسەسسۋالدىق ماتەريالدارى نەگىز بولدى. ۇكىم زاڭدى كۇشىنە ەندى.
ۇقساس جاڭالىقتار
