سەمەيدە "دومبىرا داستان" كورمەسى ءوتتى

472

سەمەيدىڭ وبلىستىق تاريحي ولكەتانۋ مۇراجايىندا دومبىرا كۇنىنە وراي كورمە ۇيىمداستىرىلدى. ماقساتى-حالقىمىزدىڭ ۇلتتىق مۇراسىن ناسيحاتتاپ، ۇرپاققا ۇلگى ەتۋ. كورمەگە 40-جۋىق دومبىرا قويىلعان. ولاردىڭ ىشىندە وڭىردەن شىققان ەلىمىزگە تانىمال ۇلت قايراتكەرلەرى جانىبەك كارمەنوۆ، كەلدەنباي ولمەسەكوۆ، بولات سىبانوۆ سىندى تۇلعالارمەن قاتار، ونەر سالاسىنىڭ مايتالماندارى جانە ايتىسكەر اقىنداردىڭ دومبىرالارى دا بار.

- ەلباسى نۇرسۇلتان ءابىشۇلى نازارباەۆ:"دومبىرا ءۇنىن قىردا وسكەن، مۇرنىندا جۋسان ءيىسى قالعان قازاق قانا تۇسىنەدى.سەبەبى-بۇل ەرەكشە مۋزىكا"-دەپ قاسيەتتى اسپاپقا لايىقتى باعا بەرگەن ەدى.وسىعان سايكەس، 2018 جىلدىڭ 13 ماۋسىمىنان باستاپ، شىلدە ايىنىڭ ءبىرىنشى جەكسەنبىسى ۇلتتىق دومبىرا كۇنى بولىپ بەلگىلەندى. مەملەكەتتىڭ كەلەشەگى بۇگىنگى ۇرپاق ەكەنىن ەسكەرسەك، جاس بۋىننىڭ ۇلتتىق اسپاپتى قادىرلەۋگە، رۋحاني قۇندىلىققا تەرەڭ بويلاۋىنا بۇل شارانىڭ بەرەرى كوپ. ال، بۇگىنگى ۇيىمداستىرىلىپ وتىرعان شارادا دومبىرانىڭ ۇنىنەن بولەك، قۇرىلىمى تۋرالى دا مول اقپارات بەرىلدى. وشكەنىمىزدى جاڭعىرتىپ، وتكەنىمىزدى جاقىنداتقان بۇل كورمە ءبىر جارىم اي كولەمىندە وتەتىن بولادى. حالىقتىڭ كەلىپ، رۋحاني ازىقپەن سۋسىنداۋىنا ەسىگىمىز ءاردايىم اشىق،- دەپ ءسوزىن قورىتىندىلادى وبلىستىق تاريحي-ولكەتانۋ مۇراجايىنىڭ ديرەكتورى قايرات سابىرباي.

 

"ادىرنا" ۇلتتىق پورتالى

پىكىرلەر
رەداكتسيا تاڭداۋى