انشىلەر ەندى فونوگراممامەن ءان ايتپايدى - مادەنيەت ءمينيسترى مالىمدەمە جاسادى

1979
Adyrna.kz Telegram

مادەنيەت ءمينيسترى ديماشتىڭ ىزىمەن حالىقارالىق بايقاۋلاردا جۇلدە الىپ جۇرگەن جاستارىمىز جاندى داۋىستا ءان سالۋ ماسەلەسىنىڭ وزەكتىلىگىن كورسەتىپ وتىرعانىن ايتادى.

قازاقستاندا انشىلەردىڭ فونوگرامامەن ءان سالۋىنا شەكتەۋ قوياتىن زاڭ جۋىق ارادا قولدانىسقا ەنگىزىلۋى مۇمكىن. ۆيتەبسكىدەن جەڭىسپەن ورالعان ءادىلحان ماكيندى قابىلداعان قر مادەنيەت جانە سپورت ءمينيسترى اقتوتى رايىمقۇلوۆا "مادەنيەت تۋرالى" زاڭعا وسىنداي وزگەرىستەر ەنگىزىپ جاتقانىن ءمالىم ەتتى، دەپ حابارلايدى 31 تەلەارنا.

بۇل ۇسىنىستى قوعامدا بىرقاتار ونەر جاناشارى كوتەرىپ، ول كوپتىڭ قولداۋىنا يە بولعان ەدى. دەگەنمەن ول زاڭدا كورىنىس تابادى دەلىنگەنىمەن، ءالى ناقتى شەشىم قابىلدانباي كەلەدى.

مادەنيەت ءمينيسترى ديماشتىڭ ىزىمەن حالىقارالىق بايقاۋلاردا جۇلدە الىپ جۇرگەن جاستارىمىز جاندى داۋىستا ءان سالۋ ماسەلەسىنىڭ وزەكتىلىگىن كورسەتىپ وتىرعانىن ايتادى.

- مينيسترلىكتىڭ ۇستانىمى - ونەر تازا بولۋى كەرەك. ەسترادادا انشىلەر جاندى داۋىسپەن ءان سالۋى ءتيىس، - دەدى ءوز سوزىندە مينيستر اقتوتى رايىمقۇلوۆا.

 

"ادىرنا" ۇلتتىق پورتالى

پىكىرلەر