مەملەكەت باسشىسى قاسىم-جومارت توقاەۆ پرەمەر-مينيستر ولجاس بەكتەنوۆتىڭ سۋ تاسقىنىنىڭ سالدارىن جويۋ جانە زارداپ شەككەندەرگە كومەك كورسەتۋ جۇمىستارى تۋرالى ەسەبىن تىڭدادى. بۇل تۋرالى بۇگىن، 18 مامىردا اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
پرەزيدەنت بۇل باعىتتاعى شارالاردى كۇشەيتۋگە، زارداپ شەككەن تۇرعىنداردى ساپالى باسپانامەن قامتاماسىز ەتۋگە، قالالار مەن ەلدى مەكەندەردەگى ينفراقۇرىلىمداردى جوندەۋگە جانە قۇرىلىس جۇمىستارىنا كىرىسۋگە قاتىستى تاپسىرما بەردى.
قاسىم-جومارت توقاەۆتىڭ ايتۋىنشا، جەرگىلىكتى اتقارۋشى ورگانداردىڭ باسشىلارى حالىقپەن ەتەنە ءارى ءتيىمدى جۇمىس ىستەۋگە مىندەتتى. سونداي-اق تۋىنداعان ماسەلەلەردى شەشۋ جانە جۇرتشىلىقتىڭ ورىندى تالاپ-تىلەگىن ورىنداۋ جونىندەگى مەملەكەتتىك ساياسات پەن قابىلدانىپ جاتقان شارالاردى ناقتى تۇسىندىرۋگە ءتيىس.
سونىمەن قاتار ۇكىمەت، اكىمدىكتەر قۇقىق قورعاۋ ورگاندارىمەن بىرلەسىپ، زاڭعا سايكەس قوعامدىق ءتارتىپتى قامتاماسىز ەتۋى كەرەك.
