21 مىڭ تەڭگە ءۇشىن ولەمىز بە؟! (فوتو، ۆيدەو)

2898

ءيا، 21 مىڭنىڭ جىرى ءالى دە جالعاسۋدا. حالىقتىڭ قامىن جەۋدىڭ ورنىنا جۇمىسپەن قامتۋ جانە الەۋمەتتىك قامتۋ باعدارلامالار ءبولىمىنىڭ  قىزمەتكەرلەرى كوپ بالالى انالاردان زاڭ بويىنشا كورسەتىلمەگەن سكوروسشيۆاتەل، ءبىر بۋما قاعاز، ادامنىڭ اليمەنت المايتىنى تۋرالى ەش جەردە بەرىلمەيتىن  قۇجاتتى اكەلۋىن تالاپ ەتۋدە. وسى ورايدا فب پاراقشادا جۇمىسپەن قامتۋ جانە الەۋمەتتىك قامتۋ باعدارلامالار بولىمىندە ورىن العان مەملەكەتتىك قىزمەتكەرلەردىڭ حالىقتى باسىنىپ، ءتۇرلى قاجەتسىز قۇجاتتاردى تالاپ ەتكەنى تۋرالى ۆيدەو تارادى دەپ حابايدى adyrna.kz ۇلتتىق پورتالىنىڭ ءتىلشىسى.

"زاڭ بويىنشا حالىق ءتۇرلى قۇجاتتى تاپسىرۋعا ماندەتتى ەمەس! تەك جەكە كۋالىگىمەن كەلسە جەتكىلىكتى. جەكە كۋالىك بولسا بازادان بارلىق مالىمەتتەر اينا قاتەسىز شىعا كەلەدى. مەملەكەتتىك ورىندا جۇمىس جاساپ وتىرعاندىقتان، اكىمنەن باستاپ حالىققا قىزمەت ەتۋلەرىڭ كەرەك. وسى جەردە وتىرعان ءاربىر قىزمەتكەردىڭ ايلىعىنا 1 تيىن بولسا دا قوسىپ وتىرعان ۇلەسىمىز بار. سوندىقتان ەش جەردە جوق نەمەسە وزدەرىڭە كەرەك قاعازدارىڭدى سۇراپ حالىقتى ساندالتپاڭدار!" دەيدى اتالمىش ۆيدەوداعى زاڭدى جەتىك بىلەتىن ازامات. ال ءبولىم قىزمەتكەرلەرى سۇراققا جاۋاپ بەرۋدەن جالتارۋدا.

 

ەستەرىڭىزگە سالا كەتەيىك، ەلباسى نۇرسۇلتان نازارباەۆ كوپبالالى وتباسىلارعا مەملەكەت تاراپىنان  21 مىڭ تەڭگەگە دەيىن تولەنەتىنىن جەتكىزگەن.

"ادىرنا" ۇلتتىق پورتالى

 

پىكىرلەر
رەداكتسيا تاڭداۋى