15 مامىر - حالىقارالىق وتباسى كۇنىنە وراي وبلىس اكىمى ناريمان تورەعاليەۆ حالىقارالىق، رەسپۋبليكالىق دەڭگەيدەگى پاندىك وليمپيادالار مەن سپورتتىق جارىس جەڭىمپازدارى جانە ولاردىڭ اتا-انالارىمەن كەزدەستى.
ءوڭىر باسشىسى ءبىلىمدى، ونەرلى، ساليقالى ۇرپاق تاربيەلەپ، قوعامعا ءوز ۇلەسىن قوسىپ وتىرعان وتباسىلارعا العىسىن ءبىلدىرىپ، جينالعانداردى وتباسى كۇنىمەن قۇتتىقتادى.
«مەملەكەت باسشىسى وتباسى ينستيتۋتىن نىعايتۋ قوعام دامۋىنىڭ نەگىزى ەكەنىن اتاپ وتكەن بولاتىن. وڭىرلەردە وتباسى ينستيتۋنىن قولداۋ باعىتىندا ءتيىستى جۇمىستار اتقارىلۋدا. بۇگىن دارىندى، ءبىلىمدى، رۋحى بيىك ۇرپاق تاربيەلەپ وتىرعان وتباسىلاردىڭ بىرقاتارىمەن كەزدەسىپ وتىرمىز. بارشاڭىزدى وتباسى كۇنىمەن قۇتتىقتايمىن. ءوسىرىپ وتىرعان ۇل-قىزدارىڭىز ۇمىتتەرىڭىزدى اقتاپ، تاۋەلسىز ەلىمىزدىڭ وركەندەۋىنە ادال قىزمەت اتقاراتىنىنا، اقجايىقتىڭ ابىرويىن اسقاقتاتىنىنا سەنىمدىمىن»، - دەدى ناريمان تورەعاليەۆ.
شارا بارىسىندا وتباسى مۇشەلەرى دە وزدەرىنىڭ جىلى لەبىزدەرىن ءبىلدىرىپ، اتا-انالار وبلىس اكىمدىگىنە، بالالارىن جەتىستىككە جەتەلەگەن ۇستازدارىنا، قولداۋ بىلدىرگەن جاندارعا العىستارىن جەتكىزدى.
جالپى، قازىرگى تاڭدا باتىس قازاقستان وبلىسى بويىنشا 13 586 كوپبالالى انالار بار، ونىڭ اراسىندا «التىن القا»، «كۇمىس القا»، «باتىر انا» يەگەرلەرى 6 558 ادام. وبلىستا 5 «وتباسى ورتالىقتارى» جۇمىس جاسايدى. ال بيىل تاعى 3 اۋداندا اشۋ جوسپارلانۋدا.
