5 مامىر كۇنى قىتاي باسشىسى سي تسزينپين فرانتسياعا ساپارلاپ، ەممانۋەل ماكرونمەن كەزدەستى. ساپار بارىسىندا ول بۇكىل الەمدەگى قاقتىعىسۋشىلاردى بىتىمگە كەلۋگە شاقىردى، دەپ حابارلايدى "ادىرنا" ۇلتتىق پورتالى.
قىتاي باسشىسى سي تسزينپين فرانتسياعا ساپارى بارىسىندا پاريجدە وتەتىن جازعى وليمپيادا ويىندارى كەزىندە بارلىق ەلدەردىڭ بىتىمگە كەلۋ قاجەتتىگىن مالىمدەدى. سي ەممانۋەل ماكرونمەن بىرلەسكەن ءباسپاسوز ءماسليحاتىندا ايتقانداي، بۇل ەكى ەلدىڭ بىرلەسكەن باستاماسى، ويتكەنى «بۇگىنگى الەم قاۋىپتى كۇيدە».
فرانتسۋز پرەزيدەنتى پاريجدەگى وليمپيادا كەزىندە «بارلىق ۇرىسقا قاتىسۋشىلاردى» اتىستى توقتاتۋ يدەياسىن قولداعانى ءۇشىن سيگە العىس ايتتى.
قىتاي حالىق رەسپۋبليكاسىنىڭ باسشىسى ۋكراينا توڭىرەگىندەگى جاعدايعا دا توقتالدى. سي تسزينپين ايتقانداي، قىتاي، فرانتسيا جانە ەو شيەلەنىسكە قارسى تۇرۋ جانە بەيبىت كەلىسسوزدەر ءۇشىن جاعداي جاساۋ ماقساتىندا بىرلەسىپ جۇمىس ىستەۋى كەرەك.
