قازاقستاننىڭ بىرىككەن اراب امىرلىكتەرىندەگى ەلشىسىنىڭ كەڭەسشىسى ايەلىن 10 جىل بويى ازاپتاپ، ۇرىپ-سوققانى ايتىلدى. بۇل تۋرالى قازاقستاندىق ديپلوماتتىڭ ايەلى كارينا ماماش جەلىدە بەينەۇندەۋ جاريالادى, دەپ حابارلايدى “ادىرنا” ۇلتتىق پورتالى.
"مەن، ماماش كارينا گوسمانقىزى، ءباا-دەگى ەلشىنىڭ كەڭەسشىسى ماماش ساكەن تاشكەنبايۇلىنىڭ جۇبايىمىن. 10 جىل بويى زورلىق-زومبىلىققا ۇشىراپ كەلەمىن. ماعان كورسەتكەن بۇكىل قورلىعى – ونىڭ ىشىندە فيزيكالىق، سەكسۋالدىق، ەموتسيونالدىق، ەكونوميكالىق، تۇرمىستىق زورلىق-زومبىلىق ءۇشىن كۇيەۋىمدى ديپلومات مارتەبەسىنەن ايىرىپ، تۇرمەگە وتىرعىزعانىن قالايمىن", - دەدى كارينا ماماش.
كارينا 5 مامىر كۇنى كۇيەۋى وعان جانە ونىڭ اپكەسىنە كۇش كورسەتكەنىن دە ايتتى.
«نەمولچي» قورىنىڭ جەتەكشىسى دينا ءتاڭسارى پرەزيدەنتكە، ىشكى جانە سىرتقى ىستەر مينيسترلىكتەرىنە ۇندەۋ جاسادى.
«ىشكى ىستەر مينيسترلىگىنەن قازاقستاننىڭ ءباا-دەگى ەلشىسىنىڭ كەڭەسشىسى جاساپ وتىرعان ارەكەتكە ارالاسىپ، ايەلىن كۇيەۋىنەن قورعاۋدى تالاپ ەتەمىز. ول ايەلى مەن ونىڭ اپكەسىن ۇرىپ-سوققان.
فوتو مەن ۆيدەو ازاپتاۋدىڭ بولعانىنا دالەل. پرەزيدەنت توقاەۆقا، ءىىم، ءسىم-گە رەسمي ۇندەۋ جاسايمىز. زورلىقشىنىڭ ۇستىنەن قىلمىستىق ءىس اشۋدى تالاپ ەتەمىز! ۆيدەوعا قاراڭىزدار، ءمولدىر قابىلوۆا مەن سالتانات نۇكەنوۆانىڭ تاعدىرى قايتالانىپ جاتىر»، - دەدى قوعام بەلسەندىسى.
سىرتقى ىستەر مينيسترلىگى وقيعاعا قاتىستى جاۋاپ بەردى.
«ءبىز بۇل قىزمەتكەردى شۇعىل تۇردە قازاقستانعا شاقىرىپ جاتىرمىز، ەندى ونىڭ ىسىمەن قۇقىق قورعاۋ ورگاندارى اينالىسادى»، - دەدى قر سىرتقى ىستەر مينيسترلىگىنىڭ رەسمي وكىلى ايبەك سمادياروۆ.
