جوعارعى اۋديتورلىق پالاتا نازارباەۆ مەكتەپتەرىنىڭ بيۋدجەتىن تەكسەردى، دەپ حابارلايدى "ادىرنا" ۇلتتىق پورتالى.
پرەزيدەنت تاپسىرماسىمەن اباي، جەتىسۋ، ۇلىتاۋ جانە الماتى وبلىستارىندا 2022-2023 جىلدارعا ارنالعان بيۋدجەتتەرگە اۋديت جۇرگىزىلدى.
جوعارى اۋديتورلىق پالاتا 2019-2023 جىلدارى "نازارباەۆ زياتكەرلىك مەكتەپتەرى" دەربەس ءبىلىم بەرۋ ۇيىمىنا بولىنگەن بيۋدجەت قاراجاتىنىڭ پايدالانىلۋ تيىمدىلىگىنە اۋديت جۇرگىزۋدە. اۋديت بارىسىندا زياتكەرلىك مەكتەپتىڭ رەسپۋبليكانىڭ ورتا ءبىلىم بەرۋ جۇيەسىن دامىتۋعا اسەرى تالداندى.
ال 2024 جىلدىڭ 2-توقسانىندا قر جوعارى اۋديتورلىق پالاتاسى كولىك، سالىقتىق جانە كەدەندىك اكىمشىلەندىرۋ سالالارىندا، رەسپۋبليكالىق بيۋدجەتتىڭ ەسەپتىلىگى بولىگىندە، سونداي-اق ءبىلىم بەرۋ مەن دەنساۋلىق ساقتاۋدىڭ جەكەلەگەن ماسەلەلەرى بويىنشا اۋديتورلىق ءىس-شارالاردى اياقتايدى.
اۋديت قورىتىندىسى بويىنشا باعا بەلگىلەۋدى رەتتەۋدىڭ تيىمدىلىگىنە، وتاندىق فارماتسەۆتيكالىق ونەركاسىپتىڭ دامۋىنا جانە "سك-فارماتسيا" جشس بىرىڭعاي ديستريبيۋتەرىنىڭ ساتىپ الۋ راسىمدەرىنە باعا بەرىلەدى.
اۋديتورلىق ءىس-شارالاردىڭ قورىتىندىلارى مەن جوعارى اۋديتورلىق پالاتانىڭ ءتيىستى نۇسقامالارى مەملەكەت باسشىسىنا ۇسىنىلادى.
