اقمولا وبلىسىندا راقىمجان قوشقارباەۆ پەن ساعادات نۇرماعامبەتوۆتىڭ 100 جىلدىعىنا ارنالعان ءىس-شارالار سەرياسى باستالدى. قر قم ش.ءۋاليحانوۆ اتىنداعى كادەت كورپۋسىنىڭ بازاسىندا اقمولا وبلىسىنىڭ اكىمى مارات احمەتجانوۆتىڭ قاتىسۋىمەن وتان قورعاۋشىلار كۇنىنە، جەڭىس كۇنىنە جانە اتى اڭىزعا اينالعان جەرلەستەرىمىزدىڭ مەرەيتويلارىنا ارنالعان وبلىستىق ساپتىق ءان بايقاۋى ءوتتى.
ءوڭىر باسشىسى ءوزىنىڭ قۇتتىقتاۋ سوزىندە بارلىق قاتىسۋشىلاردى ءاربىر قازاقستاندىق ءۇشىن ماڭىزدى مەرەكەلەرمەن قۇتتىقتاپ، بالالارعا ءوز مەملەكەتىن، ونىڭ تاريحىن قۇرمەتتەپ، ءوز وتانىنىڭ لايىقتى قورعاۋشىسى بولۋىنا تىلەك ءبىلدىردى.
«وتان قورعاۋشىلار كۇنى مەن جەڭىس كۇنى قارساڭىندا مەكتەپتەر مەن كوللەدجدەردىڭ وقۋشىلارى اراسىندا ساپتىق جانە ءان بايقاۋلارىن وتكىزۋ داستۇرگە اينالدى. بۇل جاي عانا بايقاۋ ەمەس، سىزدەردىڭ ۇيىمشىلدىق، ۇيلەسىمدىلىك جانە كوماندادا جۇمىس ىستەۋ ءبىلۋ قابىلەتتەرىڭىزدىڭ جارقىن كورسەتكىشى. ارينە، وسىنداي ءىس-شارالاردىڭ ارقاسىندا وسكەلەڭ ۇرپاقتىڭ ۇلكەندەرگە دەگەن قۇرمەت پەن وتانعا دەگەن سۇيىسپەنشىلىك سەزىمدەرى ويانادى. ءبىزدىڭ جەرلەستەرىمىز - باتىرلار ساعادات نۇرماعامبەتوۆ پەن راقىمجان قوشقارباەۆ - ەلىمىز ءۇشىن وتانسۇيگىشتىك مەن باتىرلىقتىڭ ۇلگىسى. ءاربىر قازاقستاندىقتىڭ مىندەتى – وسى قۇندىلىقتاردى قورعاۋ»، - دەدى م. احمەتجانوۆ.
بايقاۋعا اقمولا وبلىسى تەحنيكالىق جانە كاسىپتىك ءبىلىم بەرۋ ۇيىمدارىنىڭ ستۋدەنتتەرى اراسىنان 19 كوماندا قاتىستى. ونىڭ ىشىندە 5 كوماندا بولىپ قىزدار شىقتى.
ءىس-شارادا قاتىسۋشىلار ساپتىق دايىندىقتىڭ شەبەرلىگىن، كوماندالىق رۋحتى، ءتارتىپتى كورسەتتى، ساپتىق اندەردى ورىندادى.
«بۇگىن وبلىستىق بايقاۋعا 350-گە جۋىق ادام قاتىستى. بايقاۋ جوعارى پاتريوتتىق سانانى، ءوز وتانىنا دەگەن ادالدىق سەزىمىن قالىپتاستىرۋعا ىقپال ەتەدى. ازاماتتىق بورىش پەن وتان مۇددەسىن قورعاۋ جونىندەگى كونستيتۋتسيالىق مىندەتتەردى ورىنداعانى ءۇشىن جاۋاپكەرشىلىك سەزىمىن تاربيەلەيدى»، - دەيدى ۇيىمداستىرۋشىلار.
قورىتىندىسى بويىنشا ءبىرىنشى ورىندى ج.مۋسين اتىنداعى جوعارى قازاق پەداگوگيكالىق كوللەدجىنىڭ جاسوسپىرىمدەر كومانداسى، ەكىنشى ورىندى كوكشەتاۋ قالاسىنىڭ جوعارى تەحنيكالىق كوللەدجىنىڭ كومانداسى، ءۇشىنشى ورىندى ششۋچينسك قالاسىنىڭ ورمان شارۋاشىلىعى، ەكولوگيا جانە تۋريزم كوللەدجىنىڭ جىگىتتەرى يەلەندى.
قىزدار اراسىندا ءبىرىنشى ورىندى كوكشەتاۋ قالاسىنداعى اقان سەرى اتىنداعى جوعارى مادەنيەت كوللەدجىنىڭ كومانداسى، ەكىنشى ورىندى كوكشەتاۋداعى ج.مۋسين اتىنداعى جوعارى قازاق پەداگوگيكالىق كوللەدجىنىڭ قىزدارى، ءۇشىنشى ورىندى كوكشەتاۋ قالاسى جوعارى تەحنيكالىق كوللەدجىنىڭ كومانداسى يەلەندى.
وبلىستىق بايقاۋدىڭ جەڭىمپازدارى مەن جۇلدەگەرلەرى اقشالاي سەرتيفيكاتتارمەن جانە ديپلومدارمەن ماراپاتتالدى.
