گۆاردەيسك گارنيزونىنداعى جۇمىس ساپارى اياسىندا گەنەرال-مايور نۇرلان ەرمەكباەۆ وق-دارىلەردىڭ ساقتالۋ شارتتارى مەن ءتارتىبىن، جەكە قۇرامنىڭ ورتكە قارسى قاۋىپسىزدىك تالاپتارىنىڭ ساقتالۋى ماسەلەلەرىن تەكسەردى.
اسكەري ۆەدومستۆو باسشىسى زىمىراندار مەن وق-دارىلەردى ساقتاۋ مەن ساقتالۋ ءتارتىبى، قارۋ-جاراق، اسكەري جانە ارنايى تەحنيكانىڭ جابدىقتالۋى مەن جاي-كۇيى، سونداي-اق وزگە دە ماتەريالدىق-تەحنيكالىق قۇرالدارمەن قامتاماسىز ەتىلۋى تۋرالى لاۋازىمدى ادامداردىڭ بايانداماسىن تىڭدادى. قويمانى تەكسەرۋ ناتيجەلەرى بويىنشا وق-دارىلەردى، قارۋ-جاراق پەن اسكەري تەحنيكانى ساقتاۋ جونىندەگى نىساننىڭ قاۋىپسىزدىك دەڭگەيىن ارتتىرۋ، اسكەري قىزمەتشىلەردىڭ ورتكە جانە ديۆەرسياعا قارسى قاۋىپسىزدىك تالاپتارىن مۇلتىكسىز ساقتاۋى جونىندە ناقتى تاپسىرمالار ايقىندالدى.
ايتا كەتەيىك، ارنايى كوميسسيا قازاقستان قارۋلى كۇشتەرىنىڭ وق-دارىلەرىن ساقتاۋ نىساندارىن تەكسەرۋدى باستاعان. ەسكە سالايىق، 24 ماۋسىمدا تۇركىستان وبلىسىنداعى ارىس قالاسىندا اسكەري بولىمشەنىڭ تەرريتورياسىندا جارىلىس بولعان ەدى. كەيىن اپاتتان 3 ادام قازا تاپقانى حابارلاندى.
"ادىرنا" ۇلتتىق پورتالى
